Songs 101:1 - Hawaii Pidgin Bible

¹ I goin stay tight wit you, Da One In Charge, An I goin judge peopo da right way. Dass wat I stay sing bout now. I stay sing dis fo you, Da One In Charge.

Songs 101:1 ပူးပေါင်းရင်းမြစ်များ

Songs 145:7

Ova an ova, peopo no goin hold back Fo tell wat dey rememba, Bout how plenny good tings you do. Dey goin stay real good inside an tell How you erytime do da right ting!

Songs 51:14

Eh God! Let me go, an hemo my shame, Cuz I wen set up one guy fo mahke! Eh God! You my God, Da One dat get me outa trouble! Az why I can make big noise An let erybody know Bout how you erytime Do da right ting!

Songs 89:1

Eh! You Da One In Charge! From now an foeva, I goin sing Bout how you stay tight Wit yoa peopo. I goin sing fo da peopo Dat goin come bumbye, Fo make shua dey goin know Fo trus you erytime Fo do wat you tell you goin do.

Songs 92:2

Morning time, I stay tell How you stay tight wit yoa peopo! Nite time, I stay tell How I trus you erytime!

Songs 97:8

Da One In Charge, wen you judge peopo, You judge um da right way erytime. Az why da peopo dat live Mount Zion Hear bout Da One In Charge, An stay good inside. Same ting fo da peopo Dat live in da odda towns All ova da Judah land!

Micah 6:8

Den Micah tell: “No need! Da One In Charge tell you awready Wass good fo you do, An how he like you fo ack. You gotta do wass right, An stay tight wit God ery day, An come las, not firs, wit God.”

Rome 11:22

Try tink bout dis: God get one good heart—but same time, he punish peopo real good. He goin punish real good da guys dat no lissen him. But fo da guys dass not Jew guys, God get one good heart fo you guys if you stay tight wit God an trus him fo be good to you. But if you no trus him fo get one good heart fo you, he goin hemo you from da tree too.