Songs 100:4 - Hawaii Pidgin Bible

⁴ Wen you go thru da gate to his place, Tell him “Mahalo!” Wen you go inside Da open lanai fo his Temple, Tell erybody he da greates! Tell um dat you his peopo, An dat you know he da kine God Dat stay do good tings fo you guys!

Songs 100:4 ပူးပေါင်းရင်းမြစ်များ

1 Records 29:13

An now, oua God, us guys like tell you ‘Mahalo plenny!’ We tell erybody dat we know who you, An you da greates, cuz you stay real awesome!

1 Records 29:20

Den David tell all da peopo, “Tell yoa God, Da One In Charge, ‘Mahalo plenny!’ Cuz he do good tings fo you guys!” So all da peopo dat come togedda dea, tell “Mahalo!” to Da One In Charge, da God dea ancesta guys wen pray to, cuz he do good tings fo dem. An dey go down an put dea face on top da groun fo show love an respeck fo Da One In Charge an da king.

Songs 122:2

An now, us guys stay stan Inside da town gates! Awesome, Jerusalem town!

Songs 122:4

Dass da place wea all oua ohanas go, Da ones dat get Da One In Charge Fo dea boss. Dass da Rule from God Bout how us guys gotta go Jerusalem, Fo tell good tings Bout Da One In Charge. We do dis cuz we know Wat kine god him!

Songs 65:1

Eh God! Az good, Peopo tell dat you da bestes, Wen dey go Zion Hill fo pray to you. Az good, dey do da tings Dey wen make one strong promise To you fo dem do.

Songs 66:13

I goin come yoa Temple Wit animals fo make Burn up kine sacrifice. Eryting I wen promise fo do fo you, I goin do um.

Songs 95:2

We go da Temple fo meet him An tell him “Mahalo plenny!” Fo make big noise fo him wen we sing!

Songs 96:2

Sing fo Da One In Charge! Tell how he da kine God Dat give you da powa fo do Eryting he like you fo do! Ery day, tell da good stuff Bout how he get you outa trouble!

Songs 96:8

Tell dis too: “Da One In Charge, We know wat kine god him, An he awesome fo shua!” Wen you go inside Da open lanai fo his Temple, Bring someting fo show You get respeck fo him.

Songs 99:3

Good, all da peopos tell, “You, da mos importan one! You awesome!” Cuz dey know wat kine god him, An dey get choke respeck fo him. Da One In Charge, he good an spesho.

Isaiah 35:10

Da ones, Da One In Charge wen pay da price fo dem, Dey goin come back to Mount Zion. Dey goin go inside da Temple Fo Da One In Charge, An dey goin dance an sing An feel good inside all da time. All dat goin be jalike one crown on top dea head. Wen dey stay go, dey feel good inside Mo an mo erytime. Befo time, dey feel sore inside plenny. But all dat gone awready!

Hebrews 13:15

Us guys, oua ancesta guys wen make sacrifice fo show dey like tell plenny good tings bout God. Az why same ting, us guys goin tell erybody dat us God guys cuz we know who him! Dass why us guys can tell plenny good tings all da time bout how God stay. An we can do all dat cuz a Jesus.