Songs 100:2 - Hawaii Pidgin Bible

² Go in front Da One In Charge Cuz you stay good inside! Wen you stay in front him, Yell fo show him how you feel inside!

Songs 100:2 ပူးပေါင်းရင်းမြစ်များ

1 Kings 8:66

Da day afta dey pau, Solomon tell da peopo fo go home. Dey tell da king “We like God do good tings fo you!” Den dey go back home. Dey feel real good inside, an dey dance an sing, cuz a all da good tings dat Da One In Charge wen do fo his worka guy King David, an fo his peopo, da Israel peopo.

2 Records 29:30

King Hezekiah an his leada guys tell da Levi guys fo tell good tings bout Da One In Charge, an use da words dat David an Asaf, da guy dat can see wass goin happen, wen use. Az why dey sing bout how good Da One In Charge stay, till dey stay good inside. An dey bow dea head an go down fo show love an respeck fo Da One In Charge.

2 Records 31:2

Hezekiah pick da pries an Levi guys by dea blood lines. He tell who gotta do da diffren Temple kine jobs an wat days all dem gotta work. Dea jobs, fo make da burn up kine sacrifices, an da sacrifices fo show dat da peopo an God stay good wit each odda, an do odda kine work, an tell God “Mahalo plenny!” an sing dat Da One In Charge stay good, an be da security guard guys fo da place wea Da One In Charge make camp.

Songs 42:4

I spill my guts, Cuz I no foget how was befo time. Dat time, I wen go In front plenny peopo Fo bring dem by da Temple fo God, Wit erybody amping out Cuz dey stay real good inside. Had choke plenny peopo stay tell God “Mahalo plenny!” An all dem go togedda fo pray to him!

Songs 71:23

Wen I sing fo you, I goin yell cuz I stay real good inside. I goin go all out fo sing to you, Cuz you wen pay da price Fo get me outa trouble.

Songs 95:2

We go da Temple fo meet him An tell him “Mahalo plenny!” Fo make big noise fo him wen we sing!

Rules Secon Time 12:12

Ova dea you guys goin stay good inside in front God, Da One In Charge, you, an yoa boys an girls, yoa worka guys an wahines, an da Levi ohana guys from yoa town, cuz dey no mo land dat stay dea property.

Rules Secon Time 16:11

Dance an sing in front yoa God, Da One In Charge, at da place he goin pick fo peopo go dea find out wat kine god him. You, yoa boys an girls, yoa worka guys an wahines, da Levi ohana peopo inside yoa towns, an da peopo from anodda place, da kids dat no mo faddah o muddah, da wahines dat no mo husban dat live wit you guys, all dose peopo goin do um.

Rules Secon Time 16:14

Dance an sing fo da spesho religious kine ceremony—you, yoa boys an girls, yoa slave guys an wahines, da Levi ohana peopo, da peopo from anodda place, da kids dat no mo faddah o muddah, da wahines dat no mo husban, erybody dat stay inside yoa town.

Rules Secon Time 28:47

All dat goin happen cuz you guys no stay real good inside wen you work fo yoa God, Da One In Charge, an even wen eryting was plenny good fo you guys.

Philippi 4:4

Kay den. You guys stay tight wit Da One In Charge. Cuz a dat, stay good inside erytime, no matta wat happen! I like tell dis one mo time: Eh! Stay good inside!