Songs 100:1 - Hawaii Pidgin Bible

¹ Erybody all ova da world, Yell to God Cuz you feel good bout him!

Songs 100:1 ပူးပေါင်းရင်းမြစ်များ

Songs 145:1

You da God fo me! You da King! I goin tell erybody dat you da one! All da time, I goin tell peopo Wat kine god you, Dat you do good tings!

Songs 32:11

Eh! All you peopo dat get um right Wit Da One In Charge, Stay good inside, Cuz you stay tight wit him! All you guys dat get one good heart Fo do da right ting, Dance an sing, Cuz you stay real good inside!

Songs 47:1

All you peopos, clap yoa hands! Yell plenny fo God, Cuz you stay good inside!

Songs 47:5

Wen God go up fo sit on top his throne, Erybody yell. Da One In Charge, Wen he go up dea, Peopo blow da sheep horn trumpet.

Songs 66:1

Yell to God, erybody all ova da world,

Songs 66:4

Peopo all ova da world Go down in front you Fo show you love an respeck! Dey sing bout you Cuz dey know wat kine god you.” (Time out fo da music.)

Songs 67:4

I like fo da diffren peopos Stay real good inside An sing cuz dey feel Good inside bout you, Cuz wen you judge da diffren peopos, You no make diffren kine To diffren peopo. Dass how you show da nations All ova da world how fo live. (Time out fo da music.)

Songs 68:32

Sing fo God, ery place Inside da world dat get one king! Make songs fo my Boss! (Time out fo da music.)

Songs 98:4

Eh! You peopos all ova da world! Make big noise fo Da One In Charge! Open yoa mout an yell Cuz you stay good inside, an sing!

Zefaniah 3:14

Zefaniah tell: “Eh! You peopo dat come Zion hill fo pray! Yell cuz you stay good inside! You Israel peopo! Yell out loud, Go all out fo dance an sing, You Jerusalem peopo!

Zekariah 14:9

Erybody goin know Da One In Charge da ony king ova all da world. Dat time he goin be da ony God, an his name, Da One In Charge, goin be da ony name fo pray to.

Luke 19:37

Wen he come nea da place wea da road come down from da Olive Ridge, all da peopo start fo feel good inside an yell good stuff bout God, cuz a all da awesome stuff dey wen see dat show Jesus powa.

Rome 15:10

Get anodda place inside da Bible dat tell da same ting: “Eh, all you diffren peopos from all ova da place, Stay good inside wit odda peopo dat stay tight wit God.”

Rules Secon Time 32:43

All you peopos, yell plenny Cuz you stay good inside Wen you tink bout da peopo a Da One In Charge! Cuz he goin pay back da ones dat wen kill his worka guys. He goin pay back da peopo dat stay agains him. He goin make his peopo an land Come pono wit him one mo time.