Songs 10:7 - Hawaii Pidgin Bible

⁷ Dey put kahuna on top peopo, Dey bulai, Dey put presha on peopo. Dey ony mout, so pilau wat dey tell, Dey talk ony bout how fo do bad kine stuff.

Songs 10:7 ပူးပေါင်းရင်းမြစ်များ

Job 15:35

Da bad guys tink how fo make trouble. Az why dey do bad kine stuff. An dey make ready fo bulai odda peopo.”

Job 20:12

“No matta da guys dat rip off stuff like do bad kine stuff, An tink bout um long time, jalike candy.

Songs 12:2

Da peopo talk real nice kine Fo bulai peopo, Dey tell one ting, But dey no mean dat.

Songs 140:3

Da stuff dey tell can kill you, Jalike one snake bite. Wen dey open dea mout, Eryting dey tell, Jalike da poison from da cobra snake. (Time out fo da music.)

Songs 140:9

No let dose guys stan aroun me An ack jalike dey da winna! Da kine trouble dey tell Dey like do to me, Let um happen to dem, not me!

Songs 144:11

Da peopo from anodda place Stay attack me, So no let dem capcha me. Get me outa trouble. Wen dose peopo talk, No can trus wat dey tell. Wen dey put up dea right hand Fo make one promise, Dey ony bulai.

Songs 144:8

But dem, wen dey talk, No can trus wat dey tell. Wen dey put up dea right hand Fo make one promise, Dey ony bulai.

Songs 36:3

Eryting dat come outa dea mout, no good, an all bulai. Dey no like undastan wat dey stay do, An dey no like do good tings.

Songs 41:6

Dey come by me fo visit, But ony talk junk kine stuff. Dey like find out wen bad stuff Happen to me. Den dey go all ova da place Fo talk bout dat.

Songs 5:9

Dem guys, no can trus wat come outa dea mout. Inside, dey ony like wipe out peopo. Dey talk nice kine, But ony fo bulai you. You lissen wat dey tell, Jalike you goin fall down Inside one open grave an mahke.

Songs 50:19

You use yoa mout fo do bad kine stuff, An da way you talk, You ony bulai peopo.

Songs 52:4

You like tell da kine stuff dat wipe out peopo. You get bulaia kine mout.

Songs 55:21

Da tings he wen tell soun nice, But inside, he ony like beef. He talk nice kine, But da tings he tell, Jalike one sword fo stab me.

Songs 58:3

Da peopo dat stay do bad kine stuff, From da time dey born Dey go da wrong way. From da time dea muddah Was hapai wit dem, Dey stay all jam up. An wen dey talk, dey bulai.

Songs 59:12

Wat come outa dea mout Show dey do bad tings. Cuz dey talk big an bulai, An try fo put kahuna on top odda peopo, Dey goin get trap fo dat.

Songs 59:13

Wipe out dem guys, Cuz you tell “Laytas” to wat dey do. Wipe um out, Fo dem no come back no moa. Den peopo goin know, Even in da mos far places Inside da world, Dat God da one dat get da right Fo stay in charge a da Israel peopo! (Time out fo da music.)

Songs 62:4

Dem guys ony make plan Fo bring down dis guy Dat get one good rep. Erytime dey bulai somebody Make dem feel good. Wit dea mout, dey tell, “I like God do good tings fo you!” But inside, dey tink, “I like put kahuna on top you!” (Time out fo da music.)

Songs 64:3

Dey make ready fo tell Tings dat hurt plenny, Jalike dey stay make dea swords sharp. Dey tink how fo talk bad An make eryting come bad, Jalike dey make ready Fo shoot poison arrows.

Songs 7:14

You know wat? Da bad kine peopo, Dey jalike wen one wahine come hapai, Den go born da bebe. Dey tink how fo do bad tings, An tink how fo make trouble happen, Den dey go bulai peopo.

Songs 73:8

Dey make fun a da odda peopo, An make one plan fo do bad tings. Dey ack high makamaka An make one plan Fo put presha on peopo.

Smart Guys 21:6

Anybody bulai odda peopo Fo get plenny stuffs— Da stuffs dey get, Going all blow way jalike da mist, Jalike dey stay try fo mahke.

Smart Guys 30:8

Firs, no let me do wase time kine stuff O bulai odda peopo. Nex, no let me come pooa so I no mo notting, An no give me mo stuff den I need. Jus make me feel good wit enuff food an tings fo wat I need.

Isaiah 59:4

No mo nobody fo tell peopo Dey betta do da right ting. Wen peopo talk in front da judge, Nobody tell um da trut. Dey tink az good, Fo tell stuff dat no mean notting, An talk bout wase time kine stuff, An make trouble, An cuz a dat, bad kine stuff happen. Jalike one wahine come hapai, An cuz a dat, she born one bebe.

Jeremiah 9:3

Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”

Jeremiah 9:6

Wea you live, erybody bulai erybody. An cuz dey bulai, No way dey goin tell dat I dea God.” Az da message from Da One In Charge.

Amos 8:4

Den Amos tell: “You rich guys, you betta lissen dis real good! You guys go all out fo put presha On da peopo dat no mo notting. An you try fo wipe out guys inside yoa land Dat stay sked fo stan up agains you.

Matthew 12:34

You guys jalike one snake ohana! You guys no good. How you guys goin talk good wen you guys not good, aah? Wateva stay inside you guys, goin come outa you guys mout.