Songs 10:5 - Hawaii Pidgin Bible

⁵ Dese bad guys, da way dey live, Eryting come out good fo dem. But wen God judge dem, Dey no can undastan How come he judge um lidat. Dass why dey make fun A da peopo dat stay agains dem.

Songs 10:5 ပူးပေါင်းရင်းမြစ်များ

Start 6:12

God see dat eryting in da world come poho. Da way dey live, all da peopo ack pilau.

2 Samuel 5:6

King David an his army guys march Jerusalem town fo attack da Jebus peopo dat live aroun dea. Da Jebus peopo tell David, “No way you goin come inside hea! Even da guys dat no can see an da guys dat no can walk can make you turn aroun an go back!” Cuz dey tink, “No way David can come inside dis place!”

1 Kings 20:13

Dat same time, one guy dat talk fo God go by King Ahab an tell um, “Lissen up. Dis wat Da One In Charge tell: ‘You see all da plenny army guys outside dea? Dis wat I goin do. I goin give you da powa fo win ova dem today. Den you goin know fo shua, az me Da One In Charge!’ ”

Job 24:23

Maybe God goin let dem tink dey strong an stay safe, But he watch how dey ack.

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Songs 73:3

I wen see da peopo dat tink Dey no need lissen God, An I wen tink, “I like be jalike dem guys!” I wen see da peopo dat do bad tings, An eryting stay good fo dem. Dass wat wen throw me off.

Smart Guys 1:19

Dass wat happen to all da peopo dat go all out fo come rich. Bumbye dey get plenny stuffs, but dey no mo da real kine life.

Smart Guys 15:24

Da peopo dat undastan stuff, Dey goin go up an get da real kine life Cuz a da way dey live. Az how dey no goin end up Down inside da Mahke Peopo Place.

Smart Guys 2:13

Cuz dose peopo, dey wen go da right way but dey go back, So den dey go da dark roads wea bad tings happen.

Smart Guys 2:15

Da way dey do tings, dey ony do crooked kine stuff. Dey stay go da wrong way erytime.

Smart Guys 24:1

No tink you like get wat da bad guys get. No like fo hang out wit dem.

Isaiah 10:1

Bummahs! fo da guys dat make all kine rules dass not right, An write all kine rules dat make humbug fo da peopo!

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Isaiah 28:15

You Jerusalem guys talk big! You guys tell, “Us guys wen make one deal fo us no mahke. We get promise fo no go da Mahke Peopo Place! Wen da army guys come hea, No matta dey go all ova jalike da big watta, Dey no goin come wea us guys stay. Cuz us guys know how fo bulai dem So dey no goin hurt us. We no goin tell um da trut, An dass how we goin stay outa trouble.”

Isaiah 42:25

So, dass how come Da One In Charge wen come real huhu Wit da Israel peopo, an punish dem. He make odda peopo go make war agains dem. Da war jalike get fire all aroun dem, But dey still yet no undastan! Da fire wipe dem out, But dey still yet no tink!

Isaiah 5:12

Dey make big party, Dey get plenny small harp an bass harp, Tammorine, flute, an wine dea. But dey no tink notting bout Da One In Charge, An da tings he do. Wen he show da tings he make wit his hands, Dey no see notting.

Hosea 14:9

Erybody dat know wat fo do erytime, An know wass good an wass bad, Dey goin know an undastan All dis stuff I wen write. Cuz Da One In Charge erytime go da right way, An da peopo dat do wass right, Dey go da same way. But da peopo dat go agains Da One In Charge, Dey trip an fall down wen dey try fo go Da way God like um fo go.

Hosea 9:9

Dey go all out fo do plenny bad kine stuff, Jalike wen happen long time befo inside Gibeah town. God no foget da blame dese guys get. An he goin punish dem fo all da bad stuff dey do.

Rome 3:16

Ery place dey go, Dey like bus up eryting, An make big trouble fo peopo.

Local Leadas 9:27

Wen harves time come, da Shekem guys all go out inside dea fields, an bring in da grapes, an step um fo make wine. Den dey make one big party inside da temple fo dea god. Wen dey stay eat an drink, dey put plenny kahuna on top Abimelek.

Local Leadas 9:38

Den Zebul tell um, “So! You still like talk big now, o wat?! You wen tell, ‘Who dis buggah Abimelek, dat us guys gotta let him stay in charge a us?’ Dese da guys, you wen make fun a dem befo time! Now, go out an fight um!”