Songs 10:14 - Hawaii Pidgin Bible

¹⁴ But you, erytime dey do humbug kine stuff You see um an make trouble. You know wass happening fo real kine! You get da powa fo pay dem back. Dass why da peopo dat no can fight back Trus you fo take kea dem. You da One dat take kea Da peopo dat no mo faddah o muddah.

Songs 10:14 ပူးပေါင်းရင်းမြစ်များ

Start 21:17

Same time, da boy pray to God, an God lissen him. One angel messenja guy from God call out to Hagar from da air. He tell her, “Hui! Hagar! Wassup wit you? No sked! Cuz da boy wen pray ova dea, an God lissen awready.

Start 31:12

Da angel tell, ‘Look. Ony da boy kine goats dat get twis kine tail an spot an diffren kine color all ova, stay breed wit da ones in heat. Dass cuz I see awready eryting dat Laban stay do to you.

2 Samuel 16:12

Maybe Da One In Charge goin see dat I stay suffa plenny awready, an dat goin do good fo me, fo pay me back wit someting good afta dis guy put kahuna on top me today.”

2 Kings 9:26

‘Befo time, I wen see you make Nabot an his boys bleed an mahke. An fo shua I goin pay you back fo wat you wen do to Nabot, on top dis same piece land. Dat word come from me, Da One In Charge.’ So now, go pick up Joram mahke body an throw um down on top dat land, jalike Da One In Charge wen tell goin happen.”

2 Records 24:22

King Joash foget awready dat Zekariah faddah Jehoiada wen stay tight wit Joash befo time, but King Joash kill Jehoiada boy Zekariah. Wen Zekariah stay die, he tell, “I like Da One In Charge see dis an make you pay fo um.”

2 Records 6:23

Den you, Da One In Charge, goin lissen from da sky, an do someting. Judge yoa worka guys da right way, da ones dat stay do wass right an da ones dat stay do wass wrong. Punish da ones dat do someting bad, da same way dey wen do fo pay um back. Tell erybody dat da ones dat neva do notting wrong, dey no mo da blame, so erybody know dey okay.

Songs 146:9

Da One In Charge, he da One Dat take kea da foreign peopo Dat live wit us guys. He come fo help da kids Dat no mo muddah an faddahs An da widow wahines. But fo da peopo Dat stay do bad kine stuff, Da One In Charge jam up Da way dey like go.

Songs 22:11

Eh! You Da One In Charge! No stay real far from me! Cuz get plenny trouble right hea, An no mo nobody fo help me.

Songs 31:8

You, you neva let da guys Dat stay agains me capcha me. You wen take me One safe kine place.

Songs 35:22

Eh! You Da One In Charge! You see all dat! No hold back! You my boss, aah?! No go far from me!

Songs 55:22

All da stuff dat bodda you guys, Turn um ova to Da One In Charge. He goin make shua you can handle. Da peopo dat stay do wass right, He no goin let dem Come all weak, eva, Fo dem no stan up.

Songs 68:5

God live inside da place Dat stay spesho fo him. He jalike one faddah guy Fo da kids dat no mo faddah, An jalike one judge Dat take kea da widows.

Songs 68:6

God da one dat give one ohana To da peopo dat no mo ohana. Wen he let da prisona guys Go outa prison, He make shua dey come out solid. Ony da peopo dat go agains God Goin live Inside one hot an dry land Wea no mo notting.

Outa Egypt 2:25

God see da Israel peopo an he know wat he gotta do fo dem.

Outa Egypt 22:22

Wen get one widow, o one kid dat no mo faddah o muddah guys, no make to dem jalike dey notting.

Outa Egypt 22:26

If you make one guy dat live by you guys leave his coat wit you till he pay back da money dat he owe you, you gotta give da coat back to him befo da sun go down.

Smart Guys 15:25

Da big head guys, Da One In Charge broke down dea place Wea dey get all dea stuff. But fo da widow, He make shua nobody steal her land, Even litto bit.

Smart Guys 15:3

Da One In Charge, he see eryting. He see wat da bad kine peopo do, An da good kine peopo do.

Isaiah 10:3

But wat you guys goin do Wen da time come fo God punish you guys? Wen da army guys from far away Wipe you guys out jalike one storm? Wat peopo you guys goin run to Fo dem help you guys? Wea you guys goin leave all yoa rich stuffs Wen you run away?

Jeremiah 16:17

Cuz I can spock um, ery place dey go. Dey no can hide from me. Dey no can hide da bad kine stuff dey do fo me no see um.

Jeremiah 23:24

If somebody go hide inside one place nobody know, You tink I no can see um, o wat?! But me, I fill up da sky an da earth!” Az wat Da One In Charge tell.

Jeremiah 49:11

No goin get nobody from da Esau ohana dat can tell, ‘Az okay fo leave yoa kids hea dat no mo faddah o muddah, Cuz I goin make shua dey stay alive. Same ting fo da widows, Dey can trus me.’ ”

Jeremiah 51:56

Wen da army guys go attack Babylon town fo wipe um out, Dey goin make da Babylon army guys dea prisonas, An broke dea bows an arrows. Cuz fo shua, dass da kine God me, Da One In Charge. I goin pay dem back fo eryting dey wen do.

Sad Song 3:59

Da One In Charge, you see how dey no like Fo nobody judge me da right way. So now, you go judge me da right way!

Sad Song 3:60

You see how plenny dey pay me back. Dey make all kine plan agains me.

Hosea 14:3

Da Assyria peopo no can get us guys outa trouble. We no goin ride war horses fo fight. We no goin tell no mo Dat da tings us guys wen make, dey oua gods. Cuz you da ony One dat show love an pity Fo da kids dat no mo faddah o muddah!’ ”

Hosea 14:4

Da One In Charge tell, “I goin make dem come good, No matta dey wen tell ‘Laytas’ to me. I goin show plenny love an aloha fo dem Cuz I no stay huhu wit dem no moa.

Joel 3:4

“You Tyre an Sidon peopo, an all you Filisha districks, how come you guys stay agains me Da One In Charge? You guys figga you stay pay me back cuz a someting I wen do, o wat?! Cuz if you guys stay pay me back, I goin turn aroun right den an dea, an pay you guys back an make you come shame fo all da tings you guys wen do.

Habakkuk 1:13

You stay good an right. Wen you see peopo do bad kine stuff, You no tell az okay. You tell “Laytas” to eryting dass wrong! So den, how come you let da bad peopo Make one plan fo set up peopo dat trus dem? Wen dey scam da peopo Dat do wass right mo den dem, How come you no tell notting?!

Rules Secon Time 10:18

He back up da kids dat no mo faddah o muddah, an da wahines dat no mo husban. He get love an aloha fo peopo from anodda place, an give um food an clotheses.

2 Timoty 1:12

Az why I gotta suffa, you know. But no matta to me cuz I no shame fo suffa! I know Jesus, dass why. He da One I trus. I know dis fo shua: he wen give me one big job fo do, an he stay trus me fo do um da right way. An I can do um! Cuz Jesus get da powa fo take kea eryting till he come back.

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

1 Peter 4:19

Wen God peopo suffa, an dey handle um da way he like um fo handle, dey can trus God fo take kea dem. He wen make dem, an he do wat he tell he goin do erytime. An dey still yet goin do good kine stuff, jalike befo time.

1 Peter 5:7

Let God take kea all da stuff dat bodda you guys cuz he get one big heart fo you guys.

Local Leadas 1:7

Den Adoni-Bezek tell dem, “Get seventy king guys, I wen win ova dem. I wen cut off dea thumbs an big toes. I make um pick up da crumbs from unda my table. Wat I wen do to dem guys, God pay me back same ting!” Da Judah guys take him Jerusalem side, an he mahke ova dea.