Songs 10:1 - Hawaii Pidgin Bible

¹ Eh! You Da One In Charge! How come you no stay close to me?! How come, weneva tings come bad, you stay hide?!

Songs 10:1 ပူးပေါင်းရင်းမြစ်များ

Job 13:24

How come you hide yoa face? How come you ack jalike I agains you?

Job 23:9

Wen he do stuff da north side, I no see him. Wen he turn da south side, I still no see him.

Job 34:29

But if God stay quiet, nobody goin poin finga him. If he hide his face, nobody can find him. Still yet, he stay in charge a da peopo an da nations same same.

Songs 22:1

Eh God! You da God fo me! So, how come you wen bag from me an leave me hea?! How come you stay far away from me?! I stay cry plenny, but you no get me outa trouble!

Songs 27:9

No hide from me! No come huhu an tell me fo go way, Cuz I yoa worka guy, An you, you da One dat erytime help me. Eh God! You da One dat erytime get me outa trouble! No bag from me, no leave me hea lidis!

Songs 30:7

Eh! You Da One In Charge, you wen like do good tings fo me, An cuz a dat you wen make me Come strong an solid, Jalike one mountain. But den, you wen tell “Laytas” to me, An dat make me real sked.

Songs 44:24

How come you no like Even look at us guys? How come you stay foget How plenny us guys hurt, An da hard time we get From odda peopos?

Songs 44:25

Jalike oua life come notting On top da dirt, An us no can get up from da groun.

Songs 46:1

God, he jalike one place Fo us guys go hide. He make us guys stay strong Fo notting bad happen. Wen get all kine trouble, God stay ready Fo help us guys plenny.

Songs 88:14

Eh! You Da One In Charge! How come you make Jalike you donno me?! How come you no even show Yoa face to me?!

Jeremiah 14:8

You da One us Israel peopo wait fo. You da One stay get us outa trouble Wen we get hard time. So! How come you ack Jalike one guy from anodda place dat donno us?! How come you ack Jalike you ony stay hea one nite?!

Jeremiah 14:9

How come you ack Jalike you donno wass happening?! How come you ack Jalike one army guy dat no can get us outa trouble?! You stay right hea wit us, Da One In Charge. Erybody know dat us guys yoa peopo. So no leave us!”