Songs 1:5 - Hawaii Pidgin Bible

⁵ Dass why da peopo Dat broke da Rules from God Goin come wipe out Wen dey go in front God da judge. Da peopo dat do bad tings, God goin throw dem out Wen da peopo dat get um right Wit God come togedda.

Songs 1:5 ပူးပေါင်းရင်းမြစ်များ

Songs 24:3

Da peopo tell: “Wat kine peopo Get da right Fo go up da mountain Wea Da One In Charge live? Wat kine peopo get da right Fo stan inside his spesho Temple?”

Songs 26:9

Wen you go afta da peopo dat do bad kine stuff, No take away my life, same time. Wen you go afta da killa guys, Make shua I no mahke!

Songs 5:5

Da kine peopo dat talk big Dat dey da greates No can stan in front you. You hate all da peopo dat stay do Bad kine stuff.

Songs 9:16

Da One In Charge, he let peopo know him. An he tell who do da right ting An who no do da right ting. Da peopo dat do bad tings, Da tings dey stay do goin make trouble fo dem. (Time out fo da music.)

Malakai 3:18

Den you guys goin see jalike befo time, da peopo dat stay do wass right, dey stay diffren den da peopo dat stay do wass wrong, an da peopo dat work fo God stay diffren den da peopo dat no work fo God.”

Matthew 13:49

Dass how goin be wen da world come pau. Da angel guys from da sky goin go all ova da place, an take away da bad guys from da guys dat stay do wat da Rules From God tell um fo do.

Matthew 25:32

All da diffren kine peopos from all ova da world goin come togedda in front me. Den I goin put some a dem on one side an some on da odda side. Goin be jalike one sheep guy put da sheeps one side an da goats da odda side.

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Matthew 25:46

“Den wen da bad guys mahke, dey goin get punish foeva! But da guys dat erytime do da right ting, dey goin live to da max foeva!”

Luke 21:36

Watch out all da time, an stay ready. Tell God fo let you get outa all da stuff dat goin happen, an fo let you stan in front me, da Fo Real Kine Guy.”

Jude 1:15

He da Judge. Erybody goin stan in front him, An he goin show all da bad kine stuff dey do. Da bad kine guys dat no mo respeck fo him, Dey ack jalike God no matta. But God, he goin show all da bad kine stuff Da bad kine guys dat no respeck him tell agains him.” Dass wat Enok tell.