Songs 1:4 - Hawaii Pidgin Bible

⁴ Da guys dat broke da Rules from God, Dey not like God peopo. Dey jalike da junks from da wheat Dat da wind blow all ova da place.

Songs 1:4 ပူးပေါင်းရင်းမြစ်များ

Job 21:18

You tink dey stay jalike da junk kine stuff from da wheat Dat blow away? Not!

Job 8:13

Az wat happen to da peopo dat no tink bout God. Az how da peopo stay dat ack jalike God no matta. Eryting dey wait fo, come wipe out.

Songs 35:5

I like da wind blow dem away, Jalike dey da junks from da wheat, Wen one angel guy From Da One In Charge Push back da guys Dat stay come agains me.

Songs 37:36

Den one day, I wen go by dea, An you know wat?! No mo da bad guy! I wen go look fo him, But no can find um.

Isaiah 17:13

All da army guys from diffren countries make big noise, Jalike da big watta stay running. But God tell um, “No do dat!” An dey run away one far place, Jalike da junk kine stuff from da wheat An jalike da dry weeds in front one storm Dat blow in da wind in da hills.

Isaiah 29:5

Goin get real plenny guys from anodda place Dat stay agains you guys, But dey goin come jalike da dirt on top da groun. All da peopo dat like hurt you guys, Dey goin come jalike da junk kine stuffs from da wheat Dat stay blow way. Goin come real fas,

Jeremiah 13:24

Dis one message from Da One In Charge: “I goin make you guys go all ova da place. Jalike da wind from da boonies dat blow da junks from da wheat all ova da place.

Hosea 13:3

Az why dey goin disappea fas, Jalike da clouds, morning time. Jalike da dew dat come out early an den go way. Jalike da junk kine stuff dat da wind blow way from da wheat an barley. Jalike da smoke dat go outa one window.

Matthew 3:12

Jalike he goin throw all da wheat fo let da wind blow all da no good parts from da wheat, an den he goin put dat wheat inside da storage place. Afta dat, he goin burn all da no good parts inside da fire dat no goin pio eva.”