Songs 1:2 - Hawaii Pidgin Bible

² Dose guys dat not like da bad guys, Dey stay good inside, Cuz dey follow da Rules From Da One In Charge. Day time o nite time, Dey read da Rules From Da One In Charge, An tink bout um plenny.

Songs 1:2 ပူးပေါင်းရင်းမြစ်များ

Start 24:63

Wen da sun stay going down, Isaac go fo one walk inside da countryside. He look, an he spock some camels stay coming.

Ezra 7:10

God like Ezra plenny, cuz Ezra make up his mind fo erytime study da Rules dat Da One In Charge wen give da peopo, an do eryting God tell um fo do, an teach da Israel peopo da Rules an all da tings God tell cuz he da judge.

Job 23:12

I no go bag from wat he tell fo do. I lissen good wat he tell. Cuz I know az jalike rich kine stuffs he give me, An dass mo betta den da food I eat ery day.

Songs 104:34

Wen I tell him da tings I tink bout, I like him tink, “Dass good!” I goin stay real good inside Cuz I stay tight wit Da One In Charge!

Songs 112:1

Eh you guys! Tell good tings Bout Da One In Charge! Anybody dat get choke respeck Fo Da One In Charge, An fo shua like do Wateva Da One In Charge tell um fo do, Dey goin stay real good inside.

Songs 119:1

Da kine peopo Dat nobody can poin finga dem An dat no go da wrong way, Cuz dey follow da Rules From Da One In Charge, Dose peopo can stay good inside!

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Songs 119:35

Help me fo live Da way you wen tell us guys fo live, Cuz erytime I do stuff dat way, I stay good inside.

Songs 119:72

Da Rules you teach, dey good fo me, Mo den all da gold an silva dat get.

Songs 119:92

Wen I hear da Rules you give, Make me feel good inside. Dass why I neva mahke, No matta I suffa plenny.

Songs 40:8

You my God, An wen I do wat you like fo me do, Dat make me come good inside! Da Rules you teach stay inside me.

Songs 88:1

Da One In Charge, you da God Dat get me outa trouble. Day an nite time I yell fo help In front you,

Jeremiah 15:16

Wen I hear wat you tell, I lissen real good, Jalike I stay eat um up! All dat make me stay good inside, Make me like dance an sing. Cuz peopo know I stay tight wit you! Da One In Charge, you da God Ova All Da Armies!

Luke 18:7

You guys tink God no goin make tings right fo da ones he wen pick, wen dey stay beg him day time an nite time? You tink he goin take long time fo help dem?

Luke 2:37

an now, she one widow fo eighty-four year. She no go outside da open lanai fo da Temple eva. Day time an nite time she stay do stuff fo God. She skip food an pray.

Rome 7:22

I stay real good inside wen I tink bout da Rules from God.

1 Tessalonika 2:9

Eh, my braddahs an sistahs, you guys no foget how hard we wen work, dat time, aah? We wen work day time an nite time, fo us neva need live off nobody, not even one a you guys. Same time, we wen tell you guys da Good Kine Stuff From God.

1 Timoty 4:15

Try do all dose tings erytime ova an ova. Go all out fo do um fo erybody see how you do um mo betta.

2 Timoty 1:3

Wen I pray, I tell God “Mahalo plenny!” erytime I tink bout you, day time an nite time. I stay work fo God, same ting jalike my ancesta guys wen do. An fo shua I know I stay do good tings.

Joshua 1:8

Read dis Book fo erybody hear um, cuz dat teach you guys my Rules. Tink bout um day time an nite time fo make shua you do eryting dat stay inside da Book. Den eryting you do goin come out real good.

1 John 5:3

Wen us get love an aloha fo God, dat mean we do wat he tell us fo do. An da stuff he tell us fo do, az not too hard.