Smart Guys 7:7 - Hawaii Pidgin Bible

⁷ An I see some young guys, Da kine guys dat donno notting. Den I wen see dis one guy, Him, he kinda dumb.

Smart Guys 7:7 ပူးပေါင်းရင်းမြစ်များ

Job 24:15

Da guys dat fool aroun somebody wife, Dey wait till almos dark, cuz dey tink, ‘Nobody goin see me.’ Dey hide dea face.

Songs 119:130

Wen peopo hear da tings you tell, Eryting come clear fo dem, Jalike get light. An dat help da peopo Dat donno wat fo do Undastan wat fo do.

Songs 19:7

Da way Da One In Charge teach, Eryting come out how suppose to do. Wen you do wat he teach, Jalike he make you come all new inside one mo time. Da rules Da One In Charge give, you can trus um. Dass how you goin know wat fo do erytime, Even if you donno right now wat fo do.

Smart Guys 1:22

“Eh, you guys dat donno notting an easy fo bulai! You guys like stay lidat, o wat?! An you buggahs dat no mo respeck fo nobody cuz you tink you real smart, You like stay lidat?! You stupid buggahs dat figga you no need learn notting, How come you no like wen peopo try tell you da trut?!

Smart Guys 1:32

Da peopo dat easy fo bulai, Dey goin go away from me, Az dea fault Wen dey get all bus up an mahke from dat. Da stupid peopo, dey ack jalike notting bad goin happen, An cuz a dat, someting goin wipe um out.

Smart Guys 1:4

Dis book fo da peopo dat donno notting an easy fo bulai dem. Goin help um come mo akamai, An help da young guys fo know stuff An fo tink strait.

Smart Guys 10:13

Da peopo dat undastan stuff, Wen dey talk, you can learn wat fo do. But gotta get one big stick fo wack Da peopo dat no tink bout stuff.

Smart Guys 12:11

Da kine peopo dat bus ass on dea land, Dey get plenny fo eat. Da kine peopo dat work hard Ony fo do all wase time kine stuff, Dey no can tink strait.

Smart Guys 14:15

Da peopo dat donno notting, easy fo bulai dem, Dey tink az fo real Any kine dat peopo tell dem. But da akamai peopo, Dey tink firs bout wat dey goin do.

Smart Guys 14:18

Da peopo dat donno notting an easy fo bulai, Bumbye dey goin get stupid kine stuff. But da akamai peopo Dey learn plenny, an can do um.

Smart Guys 19:2

An no good, you go all out fo do someting But you no tink good bout wat you doing. An no good, you rush An come jam up.

Smart Guys 19:25

Punish da buggahs dat no mo respeck fo nobody Cuz dey tink dey smart. An den, da odda guys dat donno notting an easy fo bulai dem, Dey goin come mo akamai An learn how fo tink strait. An if you tell da kine guy dat undastan stuff, Dat he wen do someting wrong, Dat guy goin learn someting.

Smart Guys 22:3

Da akamai kine peopo see Someting bad goin happen, An dey go hide. But da peopo dat donno notting An easy fo bulai dem, Dey keep going, An bumbye, dey pay da price.

Smart Guys 24:30

One time, I go by da field an da grape farm Dat one lazy buggah own, Dat guy, he not too smart!

Smart Guys 27:12

Da akamai kine peopo, Wen dey see someting bad goin happen, Dey go hide. Da ones dat donno notting an easy fo bulai, Dey jus keep going, An layta, az too late, dey pay da price.

Smart Guys 5:1

Kay den, my boy. You lissen good, Cuz I know wat kine stuff you betta do. All dis kine stuff dat I undastan, Goin help you, so lissen up.

Smart Guys 6:20

Eh my boy! I yoa faddah, So do da ting I stay tell you fo do, An no foget da rules Yoa muddah wen teach you.

Smart Guys 6:32

But da guy dat fool aroun one wahine dat stay married, Jalike da guy no mo one brain, Cuz he ony stay kill himself, An dass his fault.

Smart Guys 8:5

Eh, you guys dat donno notting an easy fo bulai! Come learn how fo be akamai! An you dumb buggahs dat tink you no need learn notting, Come learn how fo tink strait!

Smart Guys 9:16

“Eh, all you peopo dat donno wat stay happen, No go odda place, come hea by me! Eh, all you peopo dat get hard time fo tink strait, I tell you dis:

Smart Guys 9:4

“Anybody dat donno wat stay happen, All dey gotta do is come ova hea wea I stay. No matta dey donno how fo know bout stuff, I tell um lidis:

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Matthew 15:16

He tell, “Wot! Still yet you guys no can undastan?