Smart Guys 6:6 - Hawaii Pidgin Bible

⁶ Eh, you lazy buggah! Go look da ants. See how dey do stuff, So den you know wat fo do erytime.

Smart Guys 6:6 ပူးပေါင်းရင်းမြစ်များ

Smart Guys 1:17

Eh! Wase time, you know, fo put one net In front da birds, an dey watching you.

Smart Guys 10:26

Jalike da sour taste from da vinega Make yoa teet come all tight, An da smoke make yoa eye Come all hurt, Same ting, dass how you feel Wen you get one lazy buggah work fo you.

Smart Guys 10:4

You slack off, you no mo money. You work hard, you come rich.

Smart Guys 13:4

Da lazy buggahs ony tink bout how fo get stuff, But dey no get notting. Da peopo dat work hard, Dey get da bestes kine stuff.

Smart Guys 15:19

Da lazy buggah, eryting he do, Jalike get keawe thorn. Da guy dat do da right ting all da time, Eryting he do, stay easy.

Smart Guys 18:9

Anybody stay lazy Wen he gotta do da work he suppose to do, He jalike one braddah To da guys dat go aroun bus up eryting.

Smart Guys 19:15

Da lazy buggahs, dey ony like sleep plenny, Az why dey no mo notting fo eat.

Smart Guys 19:24

Get peopo dat so lazy, Wen dey grab food, dea hand stay inside da dish, Dey no even put da food inside dea mout!

Smart Guys 20:4

Da lazy kine guy Dat no make ready his land Wen time fo plant food, Wen time fo harves da stuff dat grow, He goin look, but he no goin find notting.

Smart Guys 21:25

Da lazy buggahs, dey ony like get stuffs, But dat ony make um mahke mo fas, Cuz dey no like work fo get um.

Smart Guys 22:13

Da kine guy dat too lazy fo go work tell, “Get lion outside dea!” O he tell, “I no goin go outside on da street, Bumbye somebody goin kill me!”

Smart Guys 23:19

Eh my boy, lissen good! Go come da kine guy Dat know wat fo do erytime! Make shua Da way you live, stay good!

Smart Guys 30:24

Get four ting on top da groun dat stay real small, But dey real akamai:

Smart Guys 30:25

Da ants, dey not real strong, But summa time, Dey make shua dey get plenny food Fo las dem da whole year.

Smart Guys 6:9

Eh, you lazy buggah! How long you goin sleep? Wen you goin wake up?

Isaiah 1:3

Da cows know who own um, An da donkeys know wea dea owna give um food. But da Israel peopo, dey donno me. Even my peopo no undastan notting bout me.”

Jeremiah 8:7

Even da stork bird Know wen az time fo fly away. An da dove, an da small swallow, an da heron bird, Dey all know wen az time fo go away. But my peopo donno wat stay right fo do No matta Me, Da One In Charge tell um wat dey gotta do.”

Matthew 25:26

“Den da boss tell, ‘Wassamatta you?! You one no good worka! You lazy buggah! You know I like harves da crop wea I neva plant, an I like go get da wheat wea I neva throw seed.

Matthew 6:26

Look da birds dat fly in da sky. Dey no plant seed, get crops, an stash um, but yoa Faddah in da sky, he feed um. Try tink! You guys mo importan den dem.

Rome 12:11

Wen time fo work hard, no be lazy. Make shua you go all out wen you work fo Da One In Charge.

Hebrews 6:12

We no like you guys ack jalike you guys no like do notting. Mo betta you guys make jalike da peopo dat bumbye goin get all da stuffs God wen promise his kids, cuz dey trus God an stay hang in dea.