Smart Guys 5:4 - Hawaii Pidgin Bible

⁴ But afta dat, dey goin give you bitta taste in da mout, Jalike da kine plant dat taste bitta, An dey goin cut you Jalike dey use one sword dat stay sharp on two side.

Smart Guys 5:4 ပူးပေါင်းရင်းမြစ်များ

Songs 55:21

Da tings he wen tell soun nice, But inside, he ony like beef. He talk nice kine, But da tings he tell, Jalike one sword fo stab me.

Songs 57:4

Weneva I go sleep, Da peopo dat stay agains me, Dey jalike lions all aroun me Dat like eat peopo, An get sharp teet jalike spears an arrows. Wen dey talk, jalike dey cut me Wit one sharp sword.

Smart Guys 9:18

But da peopo donno Dat inside her place, Get all mahke peopo kine spirits. Da peopo dat wen come inside her place, Now dey stay down inside da Mahke Peopo Place.

Teacha 7:26

I find out dat wen get one wahine dat like make one trap, Dass mo worse den fo mahke. She tink how fo trap you, If she put her arms aroun you, Goin be jalike you stay tie up wit chains. Da kine guy dat make God stay good inside Goin bag from her. But she goin catch da guy dat do bad kine stuff.

Hebrews 4:12

Az cuz wat God tell stay alive, an get da powa fo do wat suppose to do, an stay mo sharp fo change us guys inside den one sharp sword dat two side sharp. Wat God tell cut deep inside fo show fo real kine how we tink an wat we like do, an even cut deep inside da joints an da bone marrow. Wat God tell judge wat we tink an how we tink bout stuff.