Smart Guys 4:8 - Hawaii Pidgin Bible

⁸ If you tink fo learn wat fo do erytime da main ting, You goin come real importan. If you go all out fo learn wat fo do, Jalike one guy go all out fo hug da wahine he love, Den peopo goin get plenny respeck fo you.

Smart Guys 4:8 ပူးပေါင်းရင်းမြစ်များ

Smart Guys 22:4

Wen you make um so you come jalike you notting, An you feel jalike you sked Wen you come in front Da One In Charge, Den you goin get plenny stuffs, An peopo goin show you respeck, An you goin live long time.

Smart Guys 3:16

Wen you know wat fo do erytime, You goin live long time, An get plenny stuffs an plenny respeck too.

Smart Guys 3:35

Da peopo dat know wat fo do erytime, Dey goin get plenny respeck. But az diffren, fo da stupid guys wit attitude. Shame, dass all dey goin get.

Love Song 2:6

His lef arm stay unda my head. An his right hand stay aroun me.

Daniel 12:3

Da ones dat know how come dese tings happen, dey goin shine jalike da sky get plenny light. An da ones dat help plenny peopo fo do da right kine tings, dey goin shine jalike da stars foeva an eva.

1 Samuel 2:30

“ ‘Me, Da One In Charge, da God fo da Israel peopo. Az why I tell you dis: I wen make one promise dat yoa ohana, an yoa ancesta Aaron ohana, goin live in front me foeva. But cuz me Da One In Charge, I tell you dis too: No way goin be how stay now! Cuz da peopo dat show respeck fo me, I goin show respeck fo dem. But da peopo dat make to me jalike I notting, I goin put kahuna on top dem!