Smart Guys 4:5 - Hawaii Pidgin Bible

⁵ Go get da smarts fo know wat fo do, An fo undastan stuff. Da tings I tell, no foget um, An no go way from dem.

Smart Guys 4:5 ပူးပေါင်းရင်းမြစ်များ

2 Records 34:2

Da way Da One In Charge see him, he do wat stay right jalike his ancesta guy David wen do. He no turn away to da right side o da lef side.

Job 23:11

Jalike my feets follow wea evas he step. I make shua I stay tight wit him, an no turn away.

Songs 119:157

No matta get plenny peopo Dat go afta me an give me hard time, I no turn away From da tings you teach me fo do.

Songs 119:51

Da peopo dat ack jalike dey no need lissen you, Dey make fun a me. But dat no make me walk away An leave da Rules you wen give.

Songs 44:18

Inside, us guys neva bag from you, Oua feets neva go off Da way you like us fo go.

Smart Guys 16:16

Fo learn how fo know wat fo do erytime, Fo shua, az mo betta den get plenny gold! Fo find out how fo undastan stuff, Az mo betta den fo get silva.

Smart Guys 17:16

Poho, fo one stupid buggah pay plenny Fo learn someting, Wen he tink he no need learn notting. Cuz he no like fo learn Wat fo do erytime.

Smart Guys 18:1

Da kine guy dat no like somebody tell him wat fo do Look ony fo da kine stuff he like. He no make um so notting bodda him Wen you talk to him bout wass smart fo him do.

Smart Guys 19:8

Anybody learn how fo tink good, Fo shua dey goin take good kea dea life, An live long time. Anybody try hard fo undastan wass happening, Eryting goin come good fo dem, fo shua.

Smart Guys 23:23

Go learn wass true, jalike you buying um. But no throw way wass true, jalike you selling um. Learn how fo know wat fo do erytime, An how fo live da way you suppose to live, An how fo undastan stuff.

Smart Guys 3:1

Wen I talk to my boy, I tell um, “Da rules I stay teach you, Neva eva foget um. Da tings I stay tell you you gotta do, Learn um real good, So all dat goin stay inside you.

Smart Guys 4:7

You like come da kine guy Dat know wat fo do erytime? Dis, da numba one ting: Go all out fo learn wat fo do erytime, An eryting you learn, Make shua you undastan um.

Smart Guys 8:5

Eh, you guys dat donno notting an easy fo bulai! Come learn how fo be akamai! An you dumb buggahs dat tink you no need learn notting, Come learn how fo tink strait!

James 1:5

If one a you guys donno wat fo do, aks God fo help you, fo give you da smarts you need! He no goin give you guys hard time. He goin help you guys. God give plenny to erybody, you know.