Smart Guys 3:5 - Hawaii Pidgin Bible

⁵ “No tink if you know eryting, dass all you need. Mo betta if you go all out fo trus Da One In Charge.

Smart Guys 3:5 ပူးပေါင်းရင်းမြစ်များ

Songs 37:5

Let Da One In Charge handle Eryting you goin do. Trus him, an he goin do um.

Smart Guys 28:26

Whoeva tink da way dey tink is right erytime, Dey tink dey know eryting but dey donno. But whoeva know wat fo do erytime, An live lidat, Dey no goin get hurt.

Songs 37:3

Trus Da One In Charge an do good tings. Live on top yoa land An take kea da land.

Songs 62:8

Eh you peopo! Trus God foeva! Tell him eryting you tink bout! God, he da One Stay hide us guys from trouble. (Time out fo da music.)

Isaiah 12:2

“Fo shua, he da God get me outa trouble. I goin trus him an no stay sked. Cuz Da One In Charge, da One make me strong An give me powa. He come awready, da One get me outa trouble.”

Songs 37:7

No tell notting, jus wait In front Da One In Charge. Hang in dea, an wait Fo Da One In Charge take kea you. No come huhu if some odda guy Stay make plenny money An no let um bodda you Wen da peopo make One no good kine plan an do um.

Smart Guys 3:7

“No get big head cuz you tink you real smart An know wat fo do erytime. Mo betta you stay sked a Da One In Charge, Fo stay away from bad kine stuff.

Jeremiah 10:23

“You, Da One In Charge, I know fo shua peopo no own dea life. No mo nobody can make dea own plan Fo da nex ting dey goin do.

Rome 12:16

Live togedda wit plenny aloha fo each odda. No ack high makamaka. Mo betta you make frenz wit da kine peopo dat odda peopo tink dey no importan. No go tink you da ony one dass smart.

Songs 125:1

Da peopo dat trus Da One In Charge, Dey stay solid all da time, Jalike Mount Zion, Dat no move an stay solid.

Jeremiah 9:23

Dis wat Da One In Charge tell: “Da guy dat know wat fo do erytime No good fo him talk big dat he know wat fo do. Da guy dat know how fo fight No good fo him talk big dat he know how fo fight. Da rich guy, no good if him talk big bout how rich him.

Smart Guys 22:19

Cuz I like you make Da One In Charge Da One you trus! Az why I make shua right now Dat you know all dis stuff.

Job 13:15

Maybe God goin kill me! Maybe I no mo notting fo wait fo! Still yet, I goin show proof in front him, how come I live da way I live.

Smart Guys 23:4

No go work hard fo come rich! Be smart an take um easy.

Efesus 1:12

God do all dat, cuz he like fo us guys dat trus Christ firs, show da oddas how awesome God stay. Den da odda peopo goin tell how awesome he stay too.

Census 9:20

Some times, da cloud stay ova da Tent ony two-three day. Az how wen Da One In Charge tell um fo make camp, dey make camp. An den wen he tell um fo go, dey start fo go.

Census 9:22

No matta da cloud stay ova da Tent fo two days, o one month, o one year, dass how long da Israel peopo stay wea dey make camp, an no go way from dea. But wen da cloud go up, den dey start fo go.

Ezra 8:23

Dass why us guys skip food fo us pray. We aks God plenny fo take kea us guys. An he lissen an he take kea us.