Smart Guys 3:4 - Hawaii Pidgin Bible

⁴ An God, he like wen you do all dat, An peopo same ting dey like dat. An bumbye, erybody goin know you one good guy, An God, he goin know dat too.

Smart Guys 3:4 ပူးပေါင်းရင်းမြစ်များ

Start 39:21

Da One In Charge, he stay tight wit Joseph inside dea too, an take kea him. Da One In Charge even make da guy in charge a da jail like Joseph plenny.

Songs 111:10

If you come sked wen you tink Bout who Da One In Charge, Cuz you get plenny respeck fo him, Den you ready fo start Fo learn wat fo do. Erybody dat stay do Wat Da One In Charge tell um fo do, Dey can undastan stuff fo real kine. Good, dat erybody tell all da time Dat Da One In Charge, he da greates!

Smart Guys 12:2

Da good kine peopo, Da One In Charge get one good heart fo dem. Da kine peopo dat tink all da time Bout how dey can do bad stuff to peopo, God, he da judge, he goin punish dem.

Smart Guys 13:15

Wen you akamai an you can tink strait, Erybody like dat. But da kine guys you no can trus, Dey goin be lidat all da time.

Smart Guys 8:35

Cuz whoeva find me, Dey find da real kine life, An Da One In Charge like do good tings fo dem.

Daniel 1:9

God awready wen make Ashpenaz, da guy in charge, come tight wit Daniel, an he show him pity.

Luke 2:52

An Jesus grow mo an mo fo know wat fo do erytime, an grow up mo an moa. An God an all da peopo tink good bout him.

Jesus Guys 2:47

Dey tell God “Mahalo plenny!” an tell how good he stay. An all da odda peopo talk good bout dem. Ery day Da One In Charge bring odda peopo aroun dat he take outa da bad kine stuff dey do.

Rome 14:18

Anybody dat live da way I jus wen tell you fo live, dey da ones dat get Christ fo dea boss, an dey goin make God stay good inside. Odda peopo goin get respeck fo dem too.

2 Corint 8:21

We figga hard how fo do da right ting, not ony in front Da One In Charge, but in front da peopo too.

1 Samuel 2:21

Da One In Charge no foget Hannah. Afta dat, she born three boys an two girls. An same time, da boy Samuel grow up in front Da One In Charge.

1 Samuel 2:26

Same time, da boy Samuel stay grow mo an moa. An Da One In Charge an da peopo tink good stuff bout Samuel.