Smart Guys 27:3 - Hawaii Pidgin Bible

³ Heavy, fo carry one big stone. An da sand mo hard fo carry. But mo heavy an mo hard, Wen get da kine guy dat do bad kine stuff an no bodda him, An he make trouble fo you!

Smart Guys 27:3 ပူးပေါင်းရင်းမြစ်များ

Start 49:7

I like one bad ting happen to dem weneva dey come real huhu, An weneva dey figga az good fo dem make any kine. Az why I goin put dem one side, inside da Jacob ohana, Fo no come togedda wea da Israel peopo live.

Job 5:2

If one guy do bad kine stuff an no bodda him, An he come huhu, dat guy goin mahke. If one guy dat donno wat fo do come jealous, he goin get kill.

Smart Guys 12:16

Wen someting bodda da stupid head kine peopo, Dey make shua erybody know right den. But wen somebody try make Da akamai kine peopo come shame, Dey no say notting.

Smart Guys 17:12

Mo betta if you meet one muddah bear Right afta somebody steal her bebes, Den if you meet one dumb buggah Dat tink he no need learn notting, Right afta he do someting stupid.

Smart Guys 27:2

Mo betta you let somebody you donno talk big bout you, An not you. Mo betta you let somebody from anodda place Tell good tings bout you, So you no need say notting.

Smart Guys 27:4

Wen somebody huhu wit you, Dey make eryting real hard fo you. Wen dey like get you back, Feel jalike one flood wipe you out. But mo worse wen somebody stay jealous. Nobody can handle dat.

Daniel 3:19

Den King Nebukadnezzar come even mo huhu wit Shadrak, Meshak, an Abednego, an his face come red cuz he real mad. Den he tell his guys fo make da oven fire place seven times mo hot den befoa.

Census 22:27

Dis time, wen da donkey see da angel from Da One In Charge, she lay down undaneat Balaam. Balaam come huhu, an wack da donkey wit his stick.

1 John 3:12

Tink bout da Cain story inside da Bible from befo time. No make jalike Cain. He wen stay tight wit da Bad Guy, Satan, an he kill his braddah Abel. How come he wen kill Abel? Cuz Cain stay do bad kine tings, an his braddah stay do da right kine tings.