Smart Guys 24:3 - Hawaii Pidgin Bible

³ Fo make yoa ohana come strong, Make shua da peopo know wat fo do erytime. Make shua dey real good fo eryting, Den fo shua dey goin come solid.

Smart Guys 24:3 ပူးပေါင်းရင်းမြစ်များ

2 Samuel 7:26

Az how yoa name goin stay big foeva. Peopo goin tell, ‘Da One In Charge, Da God Ova All Da Armies, he da God fo da Israel peopo.’ An me, David yoa worka guy, my ohana goin stay strong an solid in front you.

Smart Guys 14:1

Da kine wahine dat know wat fo do, She make shua da ohana inside her house stay solid. Da stupid head kine wahine dat tink she know eryting, Her da one jam up her ohana.

Smart Guys 9:1

Da kine stuff somebody know wen dey know wat fo do erytime, Try tink bout um like dis, make believe get one lady, An dis lady, she know wat fo do erytime, Erybody call her, Da Lady Dat Know Wat Fo Do Erytime. She tell da builda guys fo make one house fo her An fo cut seven big poses from da stones An put um up in front da house.

Jeremiah 10:12

Da One wen make da earth, was Da One In Charge, Cuz he get powa. He da One make da world stay how stay Cuz he know wat fo do erytime. Jalike he spread out da sky Cuz he know da bestes way fo make um lidat.

1 Corint 3:9

Cuz us guys an God, we work togedda. An you guys, you jalike da groun wea God goin plant da seed. An same ting, you guys jalike da building God goin build.

Colosse 2:7

Make shua you guys stay tight wit Christ. Den you guys goin stay strong inside him jalike one good solid tree. Go come mo an mo solid, how you guys trus him, jalike how we wen teach you guys. Erytime tell Christ “Mahalo plenny!”