Smart Guys 2:2 - Hawaii Pidgin Bible

² An you know, da peopo dat know wat fo do, Wen dey talk, you betta lissen good, An work hard fo undastan da peopo Dat know how fo do one good job.

Smart Guys 2:2 ပူးပေါင်းရင်းမြစ်များ

Songs 90:12

So den, help us guys fo know How much time we get fo real kine. Dass how we goin come mo smart Fo know wat fo do erytime.

Smart Guys 18:1

Da kine guy dat no like somebody tell him wat fo do Look ony fo da kine stuff he like. He no make um so notting bodda him Wen you talk to him bout wass smart fo him do.

Smart Guys 2:3

Go yell fo get somebody Fo help you know importan kine stuff, Fo help you know how fo do one good job.

Smart Guys 23:12

Wen somebody like teach you Da right way fo live, Lissen plenny bout wat dey tell! Wen somebody talk Bout stuff you need fo know, Lissen wat dey tell!

Smart Guys 4:1

Eh my kids! Lissen up. I goin tell you how you suppose to ack. Go come ova hea fo learn An undastan wat fo do.

Smart Guys 4:20

Eh my boy! Lissen wat I stay tell you! Lissen up now, so you know wat I tell.

Smart Guys 6:32

But da guy dat fool aroun one wahine dat stay married, Jalike da guy no mo one brain, Cuz he ony stay kill himself, An dass his fault.

Teacha 7:25

So den I change my mind an try fo study stuff. I like learn mo, an find out wat fo do erytime, an figga out how come eryting happen. An I like know how come az stupid fo do bad kine stuff, An how come da stupid guys come pupule.

Teacha 8:16

Wen I wen try fo undastan wat dat mean, fo know wat fo do erytime, an wen I try fo see da kine work peopo do in dis world—I no can sleep day time o nite time.

Teacha 8:9

I see all dis stuff, an I tink bout eryting peopo stay do unda da sun. Wen peopo boss aroun odda guys, dat hurt da boss guys too.

Isaiah 55:3

Go come by me, an lissen real good! Lissen, fo you guys come alive inside. I goin make one deal wit you guys Dat goin stay foeva: Da tings I wen promise King David dat I goin do Wen I tell I goin stay tight wit him foeva, I goin do all dat fo shua, Cuz I do wat I promise fo do!

Matthew 13:9

Jesus tell, “If you guys hear dis, den lissen up real good!”

Jesus Guys 17:11

Da Berea peopo, dey mo betta den da Tessalonika peopo, cuz dey trus da Good Stuff Bout Jesus. Ery day dey study real good wat da Bible tell from befo time fo find out if wat Paul tell az true.