Smart Guys 2:1 - Hawaii Pidgin Bible

¹ Wen I talk to my boy, I tell um, “Lissen wat I tell! No foget da tings I stay tell you dat you gotta do, An make shua you make dat way all da time.

Smart Guys 2:1 ပူးပေါင်းရင်းမြစ်များ

Job 23:12

I no go bag from wat he tell fo do. I lissen good wat he tell. Cuz I know az jalike rich kine stuffs he give me, An dass mo betta den da food I eat ery day.

Songs 90:12

So den, help us guys fo know How much time we get fo real kine. Dass how we goin come mo smart Fo know wat fo do erytime.

Smart Guys 1:3

Dis book goin help you undastan wass right, So den you goin do da right ting erytime, An know how fo figga out wass good an wass bad An make same kine to erybody.

Smart Guys 28:7

Da kine young peopo dat lissen wat da Rules From God tell, Dey undastan stuff real good. But da ones dat hang out wit da no good kine peopo, Dey make shame fo dea faddah-muddah guys.

Smart Guys 3:1

Wen I talk to my boy, I tell um, “Da rules I stay teach you, Neva eva foget um. Da tings I stay tell you you gotta do, Learn um real good, So all dat goin stay inside you.

Smart Guys 4:1

Eh my kids! Lissen up. I goin tell you how you suppose to ack. Go come ova hea fo learn An undastan wat fo do.

Smart Guys 4:10

Eh my boy, lissen an keep wat I tell you. Az how you can live long time.

Smart Guys 6:21

Stick wit all dat stuff Jalike stay inside you An stay hang aroun yoa neck, all da time.

Smart Guys 7:1

Eh my boy! Do da tings I stay tell you fo do, Keep inside you, wat I tell you gotta do.

Smart Guys 8:1

Lissen up! Da kine stuff peopo get inside dem Wen dey know wat fo do erytime, Try tink bout um, jalike dass one lady, Da kine Lady Dat Know Wat Fo Do Erytime An dis lady, she make big noise in front erybody fo dem hear. Her da Lady Dat Undastan Stuff, An she talk fo erybody hear.

Smart Guys 9:1

Da kine stuff somebody know wen dey know wat fo do erytime, Try tink bout um like dis, make believe get one lady, An dis lady, she know wat fo do erytime, Erybody call her, Da Lady Dat Know Wat Fo Do Erytime. She tell da builda guys fo make one house fo her An fo cut seven big poses from da stones An put um up in front da house.

Matthew 13:44

“Wen God in da sky stay King, dass jalike had rich kine stuff dat one guy bury inside one field. Get anodda guy dat find um, an den he bury um one mo time. He stay good inside. Den he sell all his stuffs fo buy dat field.

Luke 2:19

But Mary put all dese tings inside her, an tink plenny how spesho dey stay.

Luke 2:51

So Jesus go back wit dem to Nazaret, an erytime he do wat dey tell um fo do. But his muddah no tell notting to nobody, but tink plenny bout um.

Luke 9:44

“No foget wat I goin tell you now! I da Fo Real Kine Guy. But goin get one guy goin set me up an turn me ova to some odda guys.”

Rules Secon Time 30:13

No even stay da odda side a da ocean, so you guys gotta aks, ‘Who goin go ova dea fo get um fo us, an tell us, fo us do um?’

1 Timoty 1:15

Da stuff I stay telling you now stay true, an you can trus um: God Spesho Guy Jesus wen come hea inside dis world, fo take peopo outa da bad kine stuff dey stay do. I da one wen do mo plenny bad kine stuff den all da odda peopo.