Smart Guys 17:2 - Hawaii Pidgin Bible

² Wen one akamai guy come one slave fo one ohana, An if one a da boys from dat ohana make shame fo dem, Da slave guy goin come da boss fo dat boy. Wen da faddah guy mahke, Dat slave guy goin get da same kine share Jalike da odda boys, From wat da faddah leave.

Smart Guys 17:2 ပူးပေါင်းရင်းမြစ်များ

Smart Guys 10:5

Da guys dat go early fo pick fruit, dat kine guys get um. Da guys dat go sleep wen dey suppose to harves food, Dat kine guys ony make shame.

Smart Guys 11:29

Whoeva make dea family suffa, Wen one a dem mahke, he no goin get notting. Wat he goin get is ony air. Da stupid head kine peopo wit attitude, Dey goin come slave guys fo da peopo Dat know wat fo do erytime.

Smart Guys 14:35

Da govmen guy dat do one good job, Da king like dat kine. Da govmen guy dat make him come shame, Da king, he no goin take dat.

Smart Guys 17:1

If no mo noise in da house, an no mo worry, Den no matta if ony get litto bit dry up bread fo eat. Az mo betta den get one big luau An erybody stay poin finga da odda guys.

Smart Guys 17:3

Fo find out if silva an gold, good o no good, Gotta melt um on top da fire. But Da One In Charge, he da One Tell how peopo tink.

Smart Guys 19:26

Anybody make dea faddah suffa, O make dea muddah get outa da house, Dey da kine kid make big shame fo da ohana An make peopo talk bad bout dem.

Smart Guys 29:15

Teach yoa kids da right way fo ack An use da paddle if dey need um. Den dey goin come da kine peopo Dat know wat fo do erytime. But if you no punish um fo teach um how fo ack, Dey goin make shame fo dea muddah.

Teacha 4:13

If get one young guy dat no mo notting, but he know wat fo do erytime, dat guy mo betta den one ol king dat no lissen wen somebody tell um wass da bestes ting fo him do.