Smart Guys 15:4 - Hawaii Pidgin Bible

⁴ You tell peopo tings dat kokua dem, Dat make um come alive inside. Wen you tell dem words fo jam dem up, Dat make um lose fight.

Smart Guys 15:4 ပူးပေါင်းရင်းမြစ်များ

Smart Guys 12:18

Some peopo talk, but dey no tink firs. Az jalike dey stab you wit one knife. But da peopo dat know wat fo do erytime, Wen dey talk, make peopo feel mo betta.

Smart Guys 16:24

Wen you talk to peopo An make um feel real good inside, Dass jalike fresh honey. Taste sweet An make da body come good.

Smart Guys 18:8

Wen peopo talk bad, Odda peopo like lissen wat dey goin tell, Az jalike dey stay eat candy! But wat dey hear, goin stay inside dem.

Malakai 4:2

But fo you guys dat feel real sked Wen you tink bout wat kine god me, Erybody goin see fo real kine wat stay right, Jalike wen da bright sun come up An you can see eryting mo clear. An dass goin make all you guys feel good. Den, you guys goin run aroun an jump, Jalike wen peopo let da bebe cows outa da pen!

Smart Guys 3:18

Wen you go all out fo know wat fo do erytime, Az jalike one tree dat get fruits Dat can make you live long time. An wen you try hard fo learn wat fo do an hang in dea, Good tings goin happen to you.

Smart Guys 18:14

Yoa spirit make you strong inside Even wen you sick. But if yoa spirit stay all bus up, Den you no can handle notting.

Jesus Show 2:7

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um da right fo eat from da tree Dat make peopo come alive fo real, Dat stay inside God Beautiful Place.

1 Timoty 6:3

If get anybody dat teach diffren kine stuff, an no like take da solid stuff from Da One In Charge a us guys, Jesus Christ, an da stuff we teach bout God,

Smart Guys 26:22

Wen da kine peopo dat talk bad talk plenny, Odda peopo take wat dey tell, jalike az good kine candy! Wat dey hear, stay inside dem.

Songs 109:22

Cuz me, I no mo notting, An I stay sad inside. Inside, jalike I stay all bus up.

Smart Guys 15:3

Da One In Charge, he see eryting. He see wat da bad kine peopo do, An da good kine peopo do.

Smart Guys 15:5

Da peopo dat do bad kine stuff dat no bodda dem, Dey no lissen wen dea faddah punish um fo teach um someting. Da peopo dat lissen good wen somebody tell um dey wrong, Dey smart fo lissen.

Smart Guys 10:11

Wen you lissen da guys dat stay do wass right, You goin get real kine life from dat. But da kine guys dat like do bad stuff, Dey make all nice kine wen dey talk, Fo you no tink dey like bus you up.