Smart Guys 13:4 - Hawaii Pidgin Bible

⁴ Da lazy buggahs ony tink bout how fo get stuff, But dey no get notting. Da peopo dat work hard, Dey get da bestes kine stuff.

Smart Guys 13:4 ပူးပေါင်းရင်းမြစ်များ

Start 26:32

Dat same day, some a da guys dat work fo Isaac come by him. Dey tell um, “Eh, you know dat puka us guys wen start fo dig, o wat? Get watta!”

Songs 92:14

Even afta dose peopo dat do wass right Come ol an get gray hair, Dey still strong, Jalike dey get plenny life inside dem An dey still stay growing.

Smart Guys 10:4

You slack off, you no mo money. You work hard, you come rich.

Smart Guys 11:25

Get da kine peopo dat like do good tings fo odda peopo all da time, Plenny good tings goin come to dem. Wen you make shua da odda guys get plenny, Same ting, you goin get plenny.

Smart Guys 12:11

Da kine peopo dat bus ass on dea land, Dey get plenny fo eat. Da kine peopo dat work hard Ony fo do all wase time kine stuff, Dey no can tink strait.

Smart Guys 12:24

Work hard, stay in charge. Come lazy, get one junk kine job jalike one slave.

Smart Guys 12:27

Da lazy kine guys, Dey too lazy fo cook da meat dey wen get. But da peopo dat work hard, Dey get plenny, an dey know az good.

Smart Guys 13:3

Da peopo dat watch how dey talk, Dey stay alive long time cuz a dat. Da peopo dat no kea how dey talk, Dey come wipe out cuz a dea big mout.

Smart Guys 13:5

Da peopo dat do da right ting all da time, Dey no like tell da kine bulai words fo cheat peopo. Da bad kine peopo, shame how dey ack An wat dey do.

Smart Guys 20:4

Da lazy kine guy Dat no make ready his land Wen time fo plant food, Wen time fo harves da stuff dat grow, He goin look, but he no goin find notting.

Smart Guys 21:25

Da lazy buggahs, dey ony like get stuffs, But dat ony make um mahke mo fas, Cuz dey no like work fo get um.

Smart Guys 21:5

If get peopo dat work hard, an dat no bodda dem, Den, wen dey make one plan how dey goin work, Fo shua dey goin come rich. But da ones dat like come rich fas, Fo shua dey goin come pooa.

Smart Guys 24:30

One time, I go by da field an da grape farm Dat one lazy buggah own, Dat guy, he not too smart!

Smart Guys 24:31

An you know wat?! Get plenny weed all ova da place, An thorn bush all ova da groun! Da stone wall, all broke down!

Smart Guys 26:13

Da guy dat too lazy fo go work, he tell, “Get one wild lion outside dea! Outside, on top da road!”

Smart Guys 28:25

Da greedy guys, Dey da ones make erybody like fight. But da guys dat stay trus Da One In Charge, He goin make eryting come real good fo dem.

Smart Guys 6:6

Eh, you lazy buggah! Go look da ants. See how dey do stuff, So den you know wat fo do erytime.

Smart Guys 8:34

Whoeva lissen me all da time, An come in front my door wait fo lissen ery day, An come stay by da door, Wea dey can spock me wen I come outside, Dey can stay good inside!

Love Song 5:3

I tink: “I wen take off my robe awready. I gotta put um back on one mo time, o wat?! I wen wash my feets. Now I gotta get um dirty one mo time, o wat?!”

Isaiah 58:11

Da One In Charge goin show you guys Wea fo go all da time. He goin take kea wateva you guys need, No matta da sun stay hot an burn up da land. He goin make you guys stay strong An feel good. You goin be jalike one garden dat get plenny watta, Jalike one watta puka wea da watta no pau come out.

Census 23:10

No mo nobody can count how much dus Da Jacob peopo kick up wen dey stay move! No mo nobody can count Even one part a dem! Wen I mahke, I like be Jalike dose peopo dat do da right kine stuff. Wen my life pau, I like fo happen jalike wat goin happen to dem!”

John 6:27

No go work ony fo da kine food dat bumbye come no good. Work fo da kine food dat las long time an make you guys live to da max foeva! I da Fo Real Kine Guy, an I give you guys dat kine life, cuz God da Faddah give me da right fo do dat.”

Hebrews 6:11

Same ting, now we like all you guys fo show dat you guys go all out jalike befo time. Den you guys goin hang in dea fo shua, an know fo shua dat God goin do eryting he wen promise fo do.

Joshua 7:3

Wen dey come back by Joshua, dey tell um, “No need sen all da army guys agains Ai. Cuz ony get litto bit guys ova dea. Ony need two o three tousan guys fo win ova um. No need make all da peopo come all had it.”