Smart Guys 13:2 - Hawaii Pidgin Bible

² Wat peopo tell, an how dey tell um, Make good tings come fo dem. Da buggahs dat you no can trus, Inside, dey ony like bus you up.

Smart Guys 13:2 ပူးပေါင်းရင်းမြစ်များ

Songs 140:11

No let da ones dat talk bad Bout odda peopo get respeck Hea inside oua land. Da bad peopo dat like bus up erybody, Make bad tings come to dem, Ova an ova!

Songs 75:8

Wen Da One In Charge come huhu, Jalike he holding one big wine cup Full a strong kine wine mix wit spice An bubble coming up. He goin make all da peopo Inside dis world Dat do bad kine stuff Drink da whole ting, Down to da junks in da bottom, Fo punish dem!

Smart Guys 1:18

Dese guys, dey try jump somebody, But dey da ones goin bleed, Dey da ones goin mahke.

Smart Guys 1:31

Stuff goin happen to dem Cuz dey live dat way. Eryting dey figga fo do, Goin come back on top dem, Da same stuff an even mo stuff.

Smart Guys 10:11

Wen you lissen da guys dat stay do wass right, You goin get real kine life from dat. But da kine guys dat like do bad stuff, Dey make all nice kine wen dey talk, Fo you no tink dey like bus you up.

Smart Guys 11:23

Da peopo dat erytime do da right ting, Wen dey get da kine stuff dey like, Az all good. Da bad kine peopo, Wen dey get da kine stuff dey like, Peopo get all wild wit dem an like wipe um out.

Smart Guys 12:14

Wat peopo tell, an how dey tell um, Dass how dey get plenny good stuff. Same ting, wen dey work hard, Dey get plenny good stuff too.

Smart Guys 18:20

You can get wat you need fo live By da way you talk. Wat you get from how you talk, Goin make you no come hungry no moa.

Smart Guys 18:21

Da tings peopo tell Get da powa fo kill odda peopo, O fo make um come alive. Da kine peopo dat like fo talk plenny, Wateva dey tell, goin come back to dem.

Smart Guys 4:17

Fo dem, az easy fo do bad kine stuff, Az jalike easy fo dem eat food. Wen dey bus up peopo, Az good fun fo dem, Az jalike good fun fo dem drink wine.

Hosea 10:13

But da stuff you guys wen plant— You wen teach peopo how fo do wass wrong! Az why you Israel guys wen harves all kine stuff dass not right! An cuz a dat, you guys ony lissen da ones dat bulai you. Cuz you guys trus da way dat you live, An all da strong fighta guys you guys get.

Habakkuk 2:17

You guys was wrong Da time you wen cut down da Lebanon trees! Now peopo goin cut down you guys. An cuz you guys wen wipe out da wild animals ova dea, You guys goin come real sked, jalike da animals was sked. Cuz you wen make peopo bleed an mahke, An wen wipe out lands an towns an erybody inside um.

Habakkuk 2:8

Cuz you guys wen rip off plenny nations, All da peopos dat still stay alive goin rip off you guys. Az cuz you guys wen make peopo bleed an mahke. An wen wipe out lands an towns an erybody inside um.

Jesus Show 16:6

Cuz dey wen kill da guys dat talk fo you, An yoa odda spesho peopo. Dey make yoa peopo bleed an mahke. Az why you give dose peopo dat stay agains you Blood fo dem drink too, Cuz az wat dey get cuz dey kill yoa peopo.”