Smart Guys 12:3 - Hawaii Pidgin Bible

³ You no can come good If you go do bad kine stuff. If you do da right ting erytime, No way somebody can move you, Az jalike you one root stuck in da groun.

Smart Guys 12:3 ပူးပေါင်းရင်းမြစ်များ

Job 15:29

Da bad kine guys no goin stay rich long time. Da stuffs dey get, no goin las long time. Dea property no goin reach mo far den you can see.

Songs 15:5

Dey no charge extra interes Wen dey lend money. Dey no take dirty money From somebody dat like hurt one guy Dat neva do notting bad.” Dass wat God tell. Dat kine peopo, dey da ones Dat goin stan solid foeva!

Smart Guys 10:25

Jalike afta da hurricane hit, Trouble come, an all da bad peopo, gone awready! But da peopo dat stay pono, Dey da ones stay solid an strong, Foeva kine.

Smart Guys 11:5

Da kine peopo dat nobody can poin finga dem, Wateva stuff dey do, dey no need worry Cuz dey erytime do da right ting. Wen da bad kine peopo do bad stuff Watevas dey try do, goin jam dem up.

Smart Guys 12:12

Da bad kine peopo steal stuff, An odda bad kine peopo steal um from dem. But da good kine peopo make plenny stuff Jalike da root dat make da plant come big.

Teacha 8:8

No mo nobody get da powa fo stop da wind. No mo nobody get da powa fo figga wen dey goin mahke. Jalike da leadas no goin let nobody go home wen get war. Same ting, da bad kine stuff peopo do, No goin get um outa trouble.

Efesus 3:17

Den Christ goin live inside you guys cuz you guys trus um. I tell God dat I like fo you guys erytime get love an aloha fo God an erybody. An dat kine love goin make you guys come strong jalike da root fo one big tree, an jalike da foundation fo one house.

Colosse 2:7

Make shua you guys stay tight wit Christ. Den you guys goin stay strong inside him jalike one good solid tree. Go come mo an mo solid, how you guys trus him, jalike how we wen teach you guys. Erytime tell Christ “Mahalo plenny!”

1 Samuel 25:33

An God stay do odda good tings fo me today, cuz you see good bout wat was right an wat was wrong. An, cuz you stop me fo go kill somebody today, an fo try fo win ova somebody jus cuz I mo strong.