Smart Guys 11:9 - Hawaii Pidgin Bible

⁹ Da kine pilau peopo dat stay agains God, Dey wipe out dea frenz Cuz dey tell all kine pilau stuff bout dem. Da kine peopo dat do wass right erytime, God take dem away from da place wea get trouble, Cuz dey know wat fo do.

Smart Guys 11:9 ပူးပေါင်းရင်းမြစ်များ

1 Kings 22:6

Az why King Ahab tell all da guys dat talk fo his god Baal fo come togedda. Get bout 400 dem. He aks dem, “I can go make war agains Ramot Gilead town, o not?” Dey tell um, “Go make war, King Ahab. Oua main god we pray to, goin give you da town.”

Job 34:30

He do dat fo no let nobody make jalike he one king, Dat ack jalike God no matta, Cuz God no goin let nobody trap da peopo.

Job 8:13

Az wat happen to da peopo dat no tink bout God. Az how da peopo stay dat ack jalike God no matta. Eryting dey wait fo, come wipe out.

Songs 55:12

I can handle wen da guys dat stay agains me Like make me come shame. But I go hide wen da peopo dat hate me Make any kine to me.

Smart Guys 11:6

Da kine peopo dat do da right ting erytime Dey stay outa trouble cuz dey do like dat Da kine peopo dat you no can trus, Dey no can stay outa trouble, Cuz erytime dey like get any kine stuff.

Smart Guys 11:8

Da peopo dat stay do wass right erytime, God take dem away from da place wea get trouble. Cuz az wea da bad guys stay end up.

Smart Guys 16:29

Da kine guy dat like bus up peopo, He trick odda peopo fo make dem come jalike him, An make um go da way dass not good fo dem.

Matthew 7:15

“Watch out fo da guys dat tell dey talk fo God an teach stuff dass not true. Dey ony bulaias. Dey come by you guys an ack all good kine, but fo real kine, inside dey like eat you up, jalike dey wild dogs dat try fo look jalike dey sheeps.

Mark 13:14

“Someting goin happen dat God hate plenny. Da bad ting goin stan wea not suppose to. Dat ting so horraz, goin make erybody bag from dea. (Whoeva read dis, dey gotta watch out.) You know, wen you guys see dat happen, if you stay Judea side, run to da mountains.

Jesus Guys 20:30

Some a dem guys goin come from you guys. Dey goin change da true stuff fo take some peopo wit dem.

1 John 2:21

I stay write to you guys cuz you awready know wass true. You guys know dat if somebody bulai you, dass cuz dey no like you know wass true, aah?

1 John 2:27

But you guys get powa from da Good An Spesho Spirit. He awready stay inside you guys, so you guys no need nobody fo teach you. God Spirit stay teach you guys bout eryting, an wat he teach stay true. He no bulai nobody. So, stay tight wit him, jalike he wen teach you guys fo do.