Smart Guys 10:9 - Hawaii Pidgin Bible

⁹ Da peopo dat erytime do stuff da right way, Dey no need worry, notting bad goin happen to dem. Da peopo dat like make eryting come jam up, Erybody goin know how dey stay fo real kine.

Smart Guys 10:9 ပူးပေါင်းရင်းမြစ်များ

Start 17:1

Laytas, wen Abram 99 year ol awready, Da One In Charge let Abram see him. He tell um, “Me, I Da God Dat Get All Da Powa. So, live da way I tell you fo live, an no do notting dat goin make shame.

Job 8:20

“Fo shua, God no throw out da peopo dat no mo blame. But he no help da bad guys come strong.

Songs 23:4

God, even if I go thru One real dark valley Wea can mahke dea, I no goin come sked Dat someting bad goin happen, Cuz you stay wit me. You carry one club Fo get me outa trouble, An one stick fo walk Fo show me wea fo go. An dat make me no worries Cuz eryting goin be okay.

Songs 25:21

Eh God! Watch ova me, So dat notting bad happen to me! Cuz I no bulai, an I do wass right! I stay wait fo you Fo do someting good.

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Smart Guys 17:20

Da kine peopo dat like do crooked kine stuff, No mo notting goin come good fo dem. Da kine peopo dat erytime like change dea story, Bad tings goin happen fo dem.

Smart Guys 26:26

Da guy like make um Fo you tink someting good goin happen, But he ony talk Fo you foget he stay hate you. But wen he come in front all da odda peopo, Den he no can hide from dem wat he do, Cuz dey know wat he do stay bad.

Smart Guys 28:1

Da bad guys, dey run away Jalike somebody stay chase um, No matta no mo nobody chase um. But da peopo dat stay do wass right, Dey stay shua dey stay okay, Jalike one lion dat no sked notting.

Smart Guys 28:18

Whoeva live so nobody can poin finga him, God goin help dat kine guy. But whoeva live crooked kine, Watevas he goin do, he goin fall down hard.

Smart Guys 3:23

Any place you go, you no need worry You goin bus yoa toe, notting.

Matthew 10:26

“No sked dem. Da tings dey cova an hide, erybody goin know an see um.

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

1 Timoty 5:25

Same ting, sometimes you goin do good kine stuff an erybody goin see um. An odda times you goin do good kine stuff, an nobody goin see um, but bumbye dey goin see um.