Smart Guys 10:4 - Hawaii Pidgin Bible

⁴ You slack off, you no mo money. You work hard, you come rich.

Smart Guys 10:4 ပူးပေါင်းရင်းမြစ်များ

Start 26:32

Dat same day, some a da guys dat work fo Isaac come by him. Dey tell um, “Eh, you know dat puka us guys wen start fo dig, o wat? Get watta!”

Smart Guys 10:5

Da guys dat go early fo pick fruit, dat kine guys get um. Da guys dat go sleep wen dey suppose to harves food, Dat kine guys ony make shame.

Smart Guys 11:24

Get da kine peopo, dey like give away plenny stuff all da time An still yet, bumbye dey get even mo stuff. Get diffren kine peopo, dey can help out, but dey no like, An bumbye dey no mo notting.

Smart Guys 12:24

Work hard, stay in charge. Come lazy, get one junk kine job jalike one slave.

Smart Guys 12:27

Da lazy kine guys, Dey too lazy fo cook da meat dey wen get. But da peopo dat work hard, Dey get plenny, an dey know az good.

Smart Guys 13:4

Da lazy buggahs ony tink bout how fo get stuff, But dey no get notting. Da peopo dat work hard, Dey get da bestes kine stuff.

Smart Guys 18:9

Anybody stay lazy Wen he gotta do da work he suppose to do, He jalike one braddah To da guys dat go aroun bus up eryting.

Smart Guys 19:15

Da lazy buggahs, dey ony like sleep plenny, Az why dey no mo notting fo eat.

Smart Guys 19:24

Get peopo dat so lazy, Wen dey grab food, dea hand stay inside da dish, Dey no even put da food inside dea mout!

Smart Guys 20:13

No ony sleep all day, Jalike dass da mos importan ting! Cuz bumbye, you goin lose eryting you get. Mo betta stay awake, Den you goin get plenny fo eat.

Smart Guys 20:4

Da lazy kine guy Dat no make ready his land Wen time fo plant food, Wen time fo harves da stuff dat grow, He goin look, but he no goin find notting.

Smart Guys 21:5

If get peopo dat work hard, an dat no bodda dem, Den, wen dey make one plan how dey goin work, Fo shua dey goin come rich. But da ones dat like come rich fas, Fo shua dey goin come pooa.

Teacha 10:18

If one guy lazy, da raftas come weak. Cuz he no do notting, da rain drip inside da house.

John 6:27

No go work ony fo da kine food dat bumbye come no good. Work fo da kine food dat las long time an make you guys live to da max foeva! I da Fo Real Kine Guy, an I give you guys dat kine life, cuz God da Faddah give me da right fo do dat.”

1 Corint 15:58

So den, my braddahs an sistahs, my good frenz, stan strong an solid. No let notting shake you guys up. You guys stay work fo Da One In Charge awready, so den, go do mo an mo plenny good kine stuffs fo him erytime. You guys know dis: Wen you guys stay tight wit Da One In Charge, no matta you work hard an sweat plenny, no goin be fo notting!