Smart Guys 1:8 - Hawaii Pidgin Bible

⁸ Wen I talk to my boy, I tell um, “Eh my boy, Lissen up all da tings I teach you. Same ting, wen yoa muddah teach you someting, No foget wat she tell you.

Smart Guys 1:8 ပူးပေါင်းရင်းမြစ်များ

Smart Guys 1:10

I tell my boy, “Eh lissen up! If some pilau buggahs try make you come wit dem, Jus go tell um, you no like.

Smart Guys 1:15

An I tell my boy no hang out wit dis kine peopo! You jus tell um no way, brah! No go wit dem an do stuff da way dey do um!

Smart Guys 2:1

Wen I talk to my boy, I tell um, “Lissen wat I tell! No foget da tings I stay tell you dat you gotta do, An make shua you make dat way all da time.

Smart Guys 23:22

Lissen good to yoa faddah guy, Cuz he da One wen give you yoa life. An wen yoa muddah come ol, No make jalike she not importan.

Smart Guys 3:1

Wen I talk to my boy, I tell um, “Da rules I stay teach you, Neva eva foget um. Da tings I stay tell you you gotta do, Learn um real good, So all dat goin stay inside you.

Smart Guys 30:17

Da kine guys dat make fun a dea faddah An tink dey big, dey no need do wat dea muddah tell um fo do, Da crow birds dat live inside da valley Goin poke out dea eye, An da scavenja birds goin eat dea mahke body.

Smart Guys 31:1

Had one king, his name Lemuel. Dis some tings he tell, da same heavy kine stuff his muddah teach him fo make um come good. She wen tell um:

Smart Guys 5:13

I neva lissen my teacha guys. I neva like hear wat anybody try fo teach me.

Smart Guys 6:20

Eh my boy! I yoa faddah, So do da ting I stay tell you fo do, An no foget da rules Yoa muddah wen teach you.

Smart Guys 7:1

Eh my boy! Do da tings I stay tell you fo do, Keep inside you, wat I tell you gotta do.

Jeremiah 35:8

Us guys wen lissen eryting oua ancesta guy Jonadab, Rekab boy, tell us fo do. No mo nobody from us guys, oua wifes, oua boys, o oua girls, eva drink wine.

Prieses 19:3

“Erybody gotta show plenny respeck fo dea muddah an faddah. An ery Res Day, you guys gotta follow my Rules an res. I yoa God, Da One In Charge.

Matthew 9:2

Had some guys dat bring one guy on top one mat fo go by Jesus. Da guy, he no can move, notting. Jesus see dat, an he figga, “Cuz dese guys trus me fo real kine, I goin make dea fren come good!” Den he tell da sick guy, “Eh, you, come strong! You know all da kine bad stuff you wen do? I tell you now, da shame fo all dat, pau awready!”

Matthew 9:22

Jesus turn aroun, an spock her behind him, an he tell, “Sistah, come strong! You trus me, dass why you come good awready.” An right den an dea she come good.

2 Timoty 1:5

I no foget dat time you wen trus God. Was fo real kine, an you neva ack. Yoa granma, Tutu Lois, was da firs one dat wen trus God lidat, an den yoa muddah Eunice, an now I stay shua you trus God lidat too.

Ruth 3:6

So Ruth go da place wea dey take da junks outa da wheat. She do jalike her muddah-in-law tell her fo do.

1 Samuel 2:25

You know, aah? one guy do bad kine stuff agains anodda guy, Da One In Charge can come in da middo an make um right. But, if one guy do bad kine stuff agains Da One In Charge, he had it awready! Nobody goin come in da middo fo make um right!” But his boys no lissen wen dea faddah poin finga dem an scold um. Az cuz Da One In Charge awready like dem mahke!