Smart Guys 1:7 - Hawaii Pidgin Bible

⁷ Fo know stuff fo real kine, Main ting, you gotta get awesome respeck fo Da One In Charge Fo you stay sked wen you tink bout him! Ony da peopo dat do bad kine stuff, no bodda dem. Dey figga az wase time, fo learn wass importan fo do An fo stick wit wass right.

Smart Guys 1:7 ပူးပေါင်းရင်းမြစ်များ

Job 28:28

An he tell da peopo, ‘You know wat?! If you get choke respeck an stay sked a da Boss Up Dea, Den you goin know wat fo do erytime! An if you stay away from da bad kine stuff, Dat goin show you undastan plenny!’ ”

Songs 111:10

If you come sked wen you tink Bout who Da One In Charge, Cuz you get plenny respeck fo him, Den you ready fo start Fo learn wat fo do. Erybody dat stay do Wat Da One In Charge tell um fo do, Dey can undastan stuff fo real kine. Good, dat erybody tell all da time Dat Da One In Charge, he da greates!

Smart Guys 1:22

“Eh, you guys dat donno notting an easy fo bulai! You guys like stay lidat, o wat?! An you buggahs dat no mo respeck fo nobody cuz you tink you real smart, You like stay lidat?! You stupid buggahs dat figga you no need learn notting, How come you no like wen peopo try tell you da trut?!

Smart Guys 15:32

Da peopo dat no like learn how dey suppose to live, Dat mean, dey hate demself An tink dey no good. Da peopo dat lissen Wen somebody give dem strong kine words, Dey goin learn how fo tink mo betta cuz a dat.

Smart Guys 15:33

You stay sked a Da One In Charge, You goin learn how fo know wat fo do cuz a dat, An how fo do da right ting erytime. Wen you no make high makamaka kine, Den peopo goin get respeck fo you.

Smart Guys 15:5

Da peopo dat do bad kine stuff dat no bodda dem, Dey no lissen wen dea faddah punish um fo teach um someting. Da peopo dat lissen good wen somebody tell um dey wrong, Dey smart fo lissen.

Smart Guys 18:2

Same ting, da kine guy dat tink he know eryting But he donno notting, He no like bodda fo undastan stuff. He ony like talk bout wat he tink.

Smart Guys 2:5

Cuz if you do dat, Den you goin undastan fo real kine Wat mean, ‘You betta come sked Da One In Charge.’ An bumbye you goin know God.

Smart Guys 23:9

No say notting To da kine guy dat tink he too smart But yet he not too smart, Cuz you know wat fo do erytime. But you talk to him lidat, He goin ack jalike wat you tell no mean notting.

Smart Guys 9:10

If you come sked wen you tink bout who Da One In Charge, Cuz you get plenny respeck fo him, Den you ready fo start fo learn wat fo do. An if you know da One dat stay good an spesho, Den you stay ready fo start fo undastan stuff.

Teacha 12:13

Now dat you wen hear eryting, Dis da mos importan ting: Get choke respeck fo God, an do wat He tell you fo do, Cuz az da kuleana fo erybody.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

Rules Secon Time 4:6

Make shua you do eryting I tell you fo do, cuz dat goin show da odda peopos dat you guys know wat fo do erytime, an you undastan plenny stuff. Dey goin hear all dis stuff dat Da One In Charge tell you guys you gotta do, an dey goin tell, ‘Fo shua dis one importan peopo—dey know wat fo do erytime, an dey undastan plenny stuff!’ ”