Smart Guys 1:4 - Hawaii Pidgin Bible

⁴ Dis book fo da peopo dat donno notting an easy fo bulai dem. Goin help um come mo akamai, An help da young guys fo know stuff An fo tink strait.

Smart Guys 1:4 ပူးပေါင်းရင်းမြစ်များ

Songs 116:6

Da One In Charge, he take kea Da peopo dat donno wat fo do. Wen I was all hamajang, He get me outa trouble.

Songs 119:130

Wen peopo hear da tings you tell, Eryting come clear fo dem, Jalike get light. An dat help da peopo Dat donno wat fo do Undastan wat fo do.

Songs 119:9

Fo one young guy, How he goin make shua He no goin do notting pilau kine, All da time he stay alive? He gotta make shua he do Eryting you tell um fo do! Az how.

Songs 19:7

Da way Da One In Charge teach, Eryting come out how suppose to do. Wen you do wat he teach, Jalike he make you come all new inside one mo time. Da rules Da One In Charge give, you can trus um. Dass how you goin know wat fo do erytime, Even if you donno right now wat fo do.

Songs 34:11

Eh, my kids! Go come ova hea An lissen me! I goin teach you guys wat mean, Fo get respeck fo Da One In Charge.

Smart Guys 3:21

“Eh my boy! Make shua you try hard an no foget Dat you gotta know how fo handle, An tink firs so you know wat fo do.

Smart Guys 8:12

“Me, I da Wahine Dat Know Wat Fo Do. I stay wea all da akamai peopo stay. I show peopo wat dey gotta know fo make good plan.

Smart Guys 8:17

“I get love an aloha fo erybody dat get love an aloha fo me. Erybody dat go look fo me, dey goin find me.

Smart Guys 8:32

“My kids, I tell dem, ‘You betta lissen good now!’ Da peopo dat do jalike how I stay do, Dey can stay good inside!

Smart Guys 8:5

Eh, you guys dat donno notting an easy fo bulai! Come learn how fo be akamai! An you dumb buggahs dat tink you no need learn notting, Come learn how fo tink strait!

Teacha 11:9

You young guys, stay good inside wen you young. Inside, yoa heart make you dance an sing. Do wat you like do, An see wat you like see. But no foget, dat fo all dis stuff, Bumbye God goin judge you.

Isaiah 35:8

Dat place, one build up road goin stay ova dea. Peopo goin call um “Da Road Fo Go By Da God Dat Stay Good An Spesho.” Goin be fo da peopo dat stay tight wit God. Da peopo dat do bad kine stuff dat make um so dey no can pray, Dey no can go on dat road. But anybody dat go dat way, Even da stupid ones, Dey no goin get lost.

Rules Secon Time 4:6

Make shua you do eryting I tell you fo do, cuz dat goin show da odda peopos dat you guys know wat fo do erytime, an you undastan plenny stuff. Dey goin hear all dis stuff dat Da One In Charge tell you guys you gotta do, an dey goin tell, ‘Fo shua dis one importan peopo—dey know wat fo do erytime, an dey undastan plenny stuff!’ ”

2 Timoty 2:22

Eh Timoty! Watch out! No be like da younga guys, da way dey come jam up cuz dey like do any kine stuff. Mo betta you go all out fo do da right ting erytime, fo trus God, fo get love an aloha, an fo stay so notting bodda you. All da peopo dat tell God dey his guys, an dat stay clean inside, dey like do da right ting erytime—so you gotta make jalike dem.

Titus 2:6

Same ting wit da younga peopo inside da church. Give dem good kine words fo help um fo take charge a how dey live.