Smart Guys 1:2 - Hawaii Pidgin Bible

² Dis book az fo give you da smarts fo do da right ting erytime, An fo live da way you suppose to live, An fo help you undastan fo real kine Da kine stuff you gotta know.

Smart Guys 1:2 ပူးပေါင်းရင်းမြစ်များ

Smart Guys 15:33

You stay sked a Da One In Charge, You goin learn how fo know wat fo do cuz a dat, An how fo do da right ting erytime. Wen you no make high makamaka kine, Den peopo goin get respeck fo you.

Smart Guys 16:16

Fo learn how fo know wat fo do erytime, Fo shua, az mo betta den get plenny gold! Fo find out how fo undastan stuff, Az mo betta den fo get silva.

Smart Guys 17:16

Poho, fo one stupid buggah pay plenny Fo learn someting, Wen he tink he no need learn notting. Cuz he no like fo learn Wat fo do erytime.

Smart Guys 19:20

Lissen up wen peopo tell you Wass good fo you do. An lissen wen dey tell you How fo do da right ting, Cuz If you do dat, den bumbye You goin know wat fo do erytime.

Smart Guys 2:9

“You do all dat stuff, An den you goin undastan wass right, An how fo judge da right way An make same kine to erybody, An how fo find da good way fo go erytime.

Smart Guys 4:1

Eh my kids! Lissen up. I goin tell you how you suppose to ack. Go come ova hea fo learn An undastan wat fo do.

Smart Guys 7:4

Learn real good fo know wat fo do erytime, Cuz jalike you get yoa sistah fo help you. Az jalike you get somebody from yoa ohana, Fo learn real good how fo undastan stuff.

Smart Guys 8:33

You betta lissen wen I teach you how fo fix wat you stay do! Come jalike da kine peopo dat know wat fo do! No make jalike you no need hear wat fo do!

Smart Guys 8:5

Eh, you guys dat donno notting an easy fo bulai! Come learn how fo be akamai! An you dumb buggahs dat tink you no need learn notting, Come learn how fo tink strait!