Smart Guys 1:1 - Hawaii Pidgin Bible

¹ Inside dis book, get da importan kine stuff fo make us guys tink, da kine Solomon like tell us. (Him King David boy, da king fo da Israel peopo.)

Smart Guys 1:1 ပူးပေါင်းရင်းမြစ်များ

1 Kings 2:12

Den King Solomon take ova from his faddah David, an sit on top da same throne. An erybody know, dat Solomon da King fo real kine.

1 Kings 5:12

Da One In Charge help King Solomon know wat fo do erytime, jalike Da One In Charge wen tell um he goin do, da firs time. Hiram an Solomon, dey no fight each odda, an da two king guys make one deal fo help each odda.

1 Records 22:9

But you goin get one boy dat goin be da kine guy dat no need fight, da kine dat no mo notting bodda him. I goin let him res, an no fight da nations all aroun him dat stay agains him. Even his name goin be Solomon, dat soun jalike “Eryting Stay Good.” I goin let da Israel peopo stay quiet an make eryting stay good fo dem, wen he stay king.

1 Records 28:5

From all my boys—an Da One In Charge wen give me plenny boys—he wen pick my boy Solomon fo sit on top da throne, fo show dat Da One In Charge stay da king fo da Israel peopo.

1 Records 29:23

Dass how Solomon get da right fo sit on top da throne fo Da One In Charge, an stay da king wea his faddah David wen sit befo time. Solomon do one good job, an all da Israel peopo lissen him.

1 Records 29:28

He stay alive long time. He stay rich an get plenny respeck. An he mahke wen he real ol. His boy Solomon come king afta him.

Smart Guys 10:1

Dis da part dat get da importan kine stuff fo make us tink dat Solomon tell us. Wen da faddah-muddah guys get one kid dat know wat fo do erytime, Dey come all good inside. Wen dey get one kid dat tink he get um wen he no get um, Da faddah-muddah guys come all sore inside.

Smart Guys 22:21

Fo help you undastan da true words you can trus, An fo you take back da true kine stuff you wen learn To da guy dat wen tell you fo come by me.

Smart Guys 25:1

Get some mo tings King Solomon wen tell, importan kine stuff fo make us tink. Da guys dat work fo Hezekiah, da king fo da Judah peopo, dis wat dey put togedda:

Teacha 1:1

Dis wat da Teacha tell. His faddah, David, da king inside Jerusalem.

Teacha 12:9

Da Teacha, he know wat fo do erytime. An even moa, he teach da peopo bout wat he know an fo dem know um too. He tink bout um, an try find out even mo, an put togedda plenny stuff dat da smart guys tell.

John 16:25

“Till now I wen teach you guys wit stories. Da time goin come wen I no goin teach you guys wit stories lidat no moa. Den I goin tell you fo real kine bout my Faddah.