Sad Song 5:2 - Hawaii Pidgin Bible

² Oua property wen pass to peopo us guys donno. Peopo from anodda place get oua houses.

Sad Song 5:2 ပူးပေါင်းရင်းမြစ်များ

Songs 109:11

Make da peopo dat da guy owe money to, Go an grab eryting from him. Make peopo dat he donno Rip off eryting he wen bus ass fo get.

Isaiah 1:7

You guys land, nobody can live dea. Yoa big towns stay all burn up. You see da odda peopo take away All yoa food from yoa fields an eat um. An peopo from odda places take um ova.

Isaiah 5:17

Dat time, da sheeps goin eat grass Inside dea grass land. Dey goin stay on top da land an eat plenny, An da bebe sheeps goin eat Wea da rich peopo wen live befo time, But now, ony get bus up house all ova.

Isaiah 63:18

Ony short time, befo time, Da peopo dat stay spesho fo you Wen own da land. But now, da peopo dat stay make trouble fo us guys, Da Temple Dat Stay Spesho Fo You, Dey walk all ova um an broke um down, An make um fo nobody use um.

Jeremiah 17:4

You guys get da blame! Az why you guys goin lose da land I wen give you guys fo come yoa property. I goin make you guys come slaves fo da peopo dat stay agains you Inside one land you guys donno from befo time. Az cuz you guys wen make me come real huhu, Jalike one real hot fire dat goin burn foeva.”

Jeremiah 6:12

Odda peopo goin take ova dea houses, Dea fields, an dea wifes, eryting dey get! Dat goin happen wen I use my powa Agains da peopo dat live inside dis land. Az da message from Da One In Charge.

Ezekiel 7:21

I goin let army guys from odda places rip off dea stuff. Da worses kine peopo in da world goin steal um. Dey no give a rip wat dey do to da stuff dey steal, an dey goin make all dat stuff come pilau.

Ezekiel 7:24

Da country wit da worses kine peopo, I goin let dem take ova you guys houses. Da Israel guys dat get big head cuz dey tink dey real strong, I goin make um come all shame. Dose peopo, dey goin make da spesho places fo da odda gods come pilau so nobody can pray dea.

Hosea 8:7

“Az jalike da Israel guys plant da wind, An harves da whirlwind! Da wheat stalk no mo wheat berry, An no can make flour. An if some wheat plant get wheat berries, Fo shua, goin get guys from anodda place goin eat um!

Hosea 8:8

Az jalike odda peopo swallow da Israel peopo. Now da Israel peopo come jalike one a da odda peopos Dey jalike one ol pot dat not worth notting!

Zefaniah 1:13

Dat kine peopo, goin get all dea rich kine stuffs rip off. An dea houses all bus up. Dey goin build houses, But dey no goin live inside um. Dey goin plant grape fields, But dey no goin drink da wine.”