Sad Song 5:16 - Hawaii Pidgin Bible

¹⁶ Da lei fall off oua head, cuz we wen come all bum out! Bummahs fo us guys! Us wen do bad kine stuff!

Sad Song 5:16 ပူးပေါင်းရင်းမြစ်များ

Job 19:9

God rip off all da respeck I get, Jalike he take off da crown from my head.

Songs 89:39

You tell, “No mean notting, Da deal I wen make Wit da guy dat work fo me!” You wen take his crown An throw um down on top da dirt!

Smart Guys 14:34

Wen da peopo from one place Do da right ting erytime, Da place get mo plenny respeck. But wen dey do bad kine stuff, Erybody from dat place, come all shame.

Smart Guys 27:24

No matta you get plenny rich kine stuffs, All dat no goin stay foeva. Even if you one king, You no can be shua Yoa line goin stay king foeva.

Isaiah 3:8

You know, da peopo inside Jerusalem, Jalike dey no can walk strait. Da peopo inside Judah, Jalike dey stay fall down too. Cuz wit wat dey tell, An wit wat dey do, Dey talk bad bout Da One In Charge An go agains him. Dey tink he no good, no matta he awesome.

Jeremiah 13:18

Go tell da king an da queen muddah dis: “Go come down from yoa thrones. Sit in da dirt an come notting. Cuz yoa beautiful crowns Goin come down from yoa head.”

Jeremiah 2:17

You guys do all dis to you, Cuz you guys wen bag From yoa God, Da One In Charge, Da time he show you guys da way fo go.

Jeremiah 2:19

Da bad kine stuff you guys do, Dass wat goin punish you guys. Da way you guys make deaf ear to me, Dat show proof awready dat you guys stay wrong. Try tink hard, an you goin know Dat eryting come real bad fo you guys, Jalike you haunas! Az cuz you guys bag from me, yoa God, Da One In Charge, An no show respeck fo me.” Dass da message from Da One In Charge, da God Ova All Da Armies.

Jeremiah 32:23

Dey come inside hea an take um ova. But dey no lissen wat you tell um, o stick wit da rules you wen teach um. Dey no live how you tell dem fo live. Az why you bring all dis bad kine stuff on top dem.

Jeremiah 4:18

“Da way you guys live An da kine tings you guys do Make all dese tings happen to you. Dis how I goin punish you guys: Goin be real sore, Jalike one sword dat stab yoa heart!”

Sad Song 1:1

Jerusalem town stay all empty! Befo time get plenny peopo dea. Befo time, Jerusalem was jalike one importan lady, But now, come jalike one widow! Befo time, from all da districks, Jerusalem was jalike dea princess, But now, jalike one slave!

Sad Song 1:18

Da Jerusalem peopo tell: “Da One In Charge do da right kine ting erytime. But I wen go agains wat he tell me fo do. Lissen, all you peopos! Look how I suffa. My young guys an wahines Wen come prisonas an go one far place.

Sad Song 1:20

“Eh! Da One In Charge! Look how I stay bum out! I stay suffa inside. I stay lose fight. Cuz I wen go agains you fo real kine. Outside in da street, da army guys kill da peopo. Inside da house, peopo mahke.

Sad Song 1:8

Da Jerusalem peopo wen do plenny bad kine stuff. Dey come pilau an no can go in front God. All da peopo dat wen show respeck fo dem, Now dose peopo make to dem jalike dey no worth notting. Az jalike da Jerusalem peopo stay naked. Dey moan an dey stay plenny shame.

Sad Song 2:1

Da Boss come huhu wit da Jerusalem peopo. He stay cova dem jalike wit one cloud! Da Israel peopo was awesome jalike da sky, But jalike he wen throw um down all da way to da groun. Wen he come huhu wit dem, He no even proteck his Temple.

Sad Song 4:13

All dat happen, cuz da guys dat suppose to talk fo God Do bad kine stuff, An da pries guys kill da guys dat do wass right.

Ezekiel 21:26

Dis wat me Da One In Charge, da Boss, tell: Hemo da cloth you wind aroun yoa head fo show you da king! Take off yoa crown! Now, no goin be jalike was befo time. Da peopo dat not importan befo time, dey goin come importan. Da peopo dat importan befo time, dey no goin be importan no moa.

Micah 6:13

Dass why me Da One In Charge Stay start awready fo wipe out you guys, An wack you guys so hard I make you come sick. I mess you up cuz a all da bad kine stuff you guys do.

Jesus Show 2:10

No sked da stuff you guys goin suffa. You know, da Devil goin set up some a you guys fo go prison, fo try make you guys give up, an you guys goin suffa dea ten days. Hang in dea an trus God, even if dey kill you guys. Cuz I goin give you guys da winna prize—da kine life dass fo real!’

Jesus Show 3:11

“Eh, I coming back quick! Hang in dea fo nobody take away wat you wen win.”

1 Samuel 7:6

Wen da peopo come togedda Mizpah side, dey bring watta from one puka, an pour um out in front Da One In Charge. All day, da peopo skip food wen dey pray, an tell Da One In Charge, “Us sorry, aah?! dat we wen go agains you an do bad kine stuff.” An Samuel, he stay da leada guy fo judge da Israel peopo Mizpah side.