Sad Song 5:13 - Hawaii Pidgin Bible

¹³ Da young guys bus ass fo push da heavy stones fo grind da wheat. Da boys almos fall down cuz dey carry heavy wood.

Sad Song 5:13 ပူးပေါင်းရင်းမြစ်များ

Job 31:10

If I wen do dat kine bad stuff, Den mo betta my wife come one slave Fo grind da wheat an barley fo anodda guy. An mo betta odda guys sleep wit her.

Outa Egypt 1:11

So da Egypt peopo make da Israel peopo dea slave guys. Dey give um mean kine luna guys. Dey give um real plenny work, an make dem feel jalike dey notting. Was da Israel peopo dat wen build two towns wit plenny warehouse inside fo da Pharaoh guy (dass how dey call da king guy fo Egypt, you know). Da towns, dey give um da name Pitom an Ramses.

Outa Egypt 11:5

Da numba one boy from ery ohana inside da Egypt land, goin mahke. You da Pharaoh guy dat sit on top da throne, but yoa numba one boy goin mahke. Same ting, da slave wahine dat stay sit by da stones dey use fo make da flour fo eat, her numba one boy goin mahke. Even da animals, all da numba one boy kine animals goin mahke.

Outa Egypt 2:11

One time afta Moses grow up Egypt side, he go visit his ohana peopo, da Israel peopo. He see how hard da Egypt peopo make um work. Wen Moses stay dea, he spock one Egypt guy stay bussing up one a da Israel slave guys from Moses peopo.

Outa Egypt 23:5

If you see one donkey dat stay carry heavy stuff fall down an no can stan up, an da owna guy one guy dat stay hate you, still yet you no can jus leave da donkey dea. You gotta work wit da owna guy fo help da donkey stan up.

Isaiah 47:2

You Babylon guys goin be Jalike one wahine dat gotta sit down By da big heavy stone Fo grind da wheat jalike one slave Fo make flour, O one wahine dat gotta take off her head cloth An lif up her skirt so no come wet Wen she go across one stream.

Isaiah 58:6

“But dis da way I tell gotta be Wen you guys skip food fo pray: Anybody dat stay in jail Cuz da judge wen judge um da wrong way, Get um outa jail! Anybody gotta carry one heavy load Jalike one yoke fo cows fo pull one wagon, Hemo da yoke! Anybody stay suffa cuz dey get plenny presha, Let um go an no make dem come slaves one mo time! Broke up all da yokes!

Jeremiah 7:18

Da kids get firewood, an dea faddahs make fire, an da wahines lomi da bread dough fo make spesho kine roun breads fo make one sacrifice fo da wahine god dey call da Queen A Da Sky. Dey pour wine on top da altars fo make sacrifice fo da odda gods too, jus fo piss me off.

Matthew 23:4

Wat dey teach, jalike dey stay pile up big heavy kine stuffs on top peopo backs, dass real hard fo carry. But dey even no like help da peopo wit dea small finga notting.

Local Leadas 16:21

Den da Filisha guys grab him. Dey pull out his eyes, an take him Gaza side. Dey tie him up wit bronze leg chains, an dey make him turn one big millstone inside da prison fo make flour from wheat.