Sad Song 5:1 - Hawaii Pidgin Bible

¹ Eh, Da One In Charge! No foget wat wen happen to us guys. Look! Shame, us guys!

Sad Song 5:1 ပူးပေါင်းရင်းမြစ်များ

Nehemiah 1:3

Dey tell me, “Da Babylon king wen take away oua peopo from dea land an bring um ova hea Babylon side. Laytas, plenny peopo wen go back Jerusalem side fo live inside Judah. But tings no stay good ova dea you know. Cuz stay real hard fo dem, an da odda peopos ova dea stay make dem plenny shame. Da Babylon army guys wen broke down da strong wall aroun Jerusalem town, an burn down da gates.

Nehemiah 1:8

“No foget wat you wen tell yoa worka guy Moses. You tell um: ‘If da way you guys ack show I no can trus you, den I goin make you guys scatta all ova da place fo live unda all da diffren peopos.

Nehemiah 4:4

Den dis how I pray: “God, you da God us guys pray to, so lissen us! Dey no like us guys. Dey like us guys feel shame. But make um so dem da ones get shame! Make odda peopo take ova dem An make um prisonas Dat gotta go live anodda land!

Job 10:9

No foget dat you wen make me Jalike I da clay fo make one pot. Now you goin change me Fo come dirt one mo time, o wat?!

Job 7:7

God, no foget dat my life stay jalike one wind dat blow ony short time! No way I goin stay good inside even one mo time.

Songs 119:153

Try look at all da stuff Dat make me come sore inside, An get me outa trouble. Cuz I no foget da Rules you teach.

Songs 74:18

Eh! You Da One In Charge! Try no foget dis— Da peopo dat stay agains you, Dey like make you come shame. Da stupid peopo dat tink You not importan, Dey talk bad bout who you.

Songs 79:12

Boss, fo erytime Da peopo dat live nea us Talk harsh kine to you, Go do bad tings to dem, Seven mo times!

Songs 79:4

Da peopos dat live aroun us guys Make fun a us guys. Dey make any kine to us An talk bad bout us Jalike we notting.

Isaiah 62:6

Eh you Jerusalem peopo! I stay put guys on top yoa walls fo watch. Day time an nite time, Dey no goin stay quiet. You guys dat stay pray to Da One In Charge Fo no foget wat he wen promise fo do, No res o go sleep.

Jeremiah 15:15

Den I tell: “You Da One In Charge, you know how I stay. No foget me! You gotta take kea me. Pay back da peopo dat stay come afta me. No wait long time fo get mad wit dem. You gotta get me outa dis! You know how dey make me come shame Cuz I yoa guy.

Jeremiah 51:51

Da Jerusalem peopo tell: “Us stay real shame, Cuz we hear da peopo from odda places talk bad bout us. Us guys get shame an lose face, cuz dey wen go Inside da place a Da One In Charge Temple dat stay spesho ony fo him.”

Sad Song 1:11

All dea peopo moan wen dey stay look fo food. Dey trade dea rich kine stuffs fo food fo dem stay alive. Dey tell, “Look, Da One In Charge! Tink bout wass happening, cuz dey tink I no good!”

Sad Song 1:20

“Eh! Da One In Charge! Look how I stay bum out! I stay suffa inside. I stay lose fight. Cuz I wen go agains you fo real kine. Outside in da street, da army guys kill da peopo. Inside da house, peopo mahke.

Sad Song 1:9

Dey get da blame fo da bad kine stuff dey do. Az jalike if one wahine get blood on her skirts from her time ery month, Cuz she no tink bout wat goin happen bumbye. Da Jerusalem peopo, dey no tink bout wat goin happen to dem Cuz a da bad kine stuff dey stay do! Da wahine fall down, an dey drop dea jaws. No mo nobody can make her feel mo betta. She tell, “Eh! You Da One In Charge! Try look da hard time us guys get! Cuz da peopo dat stay agains us win awready!”

Sad Song 2:15

All da odda peopo dat pass by you Jerusalem guys, Dey clap hands fo make fun a you guys. Dey shake dea head fo show dey no mo respeck fo you. Dey tell, “Ahanas! Dis da big town dey call ‘Da Beautiful Place,’ o wat?! Dis da place dat peopo all ova da world stay good inside Wen dey tink bout um, o wat?!”

Sad Song 2:20

“Look, you Da One In Charge! Tink hard! You neva make lidis to odda peopo befo time! You tink da wahines suppose to kill dea kids an eat um, Da ones dat dey take kea dem, o wat?! You tink az good fo kill da pries guys an da guys dat talk fo you, Da One In Charge, Inside da Place Dat Stay Spesho Fo You?!

Sad Song 3:19

Wen I tink bout how I suffa an donno wea I going, Az jalike I wen suffa an swallow stuff dat taste real bad.

Sad Song 3:50

Till Da One In Charge look down from da sky An see wat stay happen.

Sad Song 3:61

Da One In Charge, you hear dem talk bad bout me. You hear how dey make plans agains me.

Habakkuk 3:2

Da One In Charge, I hear wat peopo tell bout you. I get awesome respeck fo you, Fo all da awesome stuff you wen do awready. Try do um one mo time! Dese years right now, Make peopo know wat you wen do. No matta you stay huhu wit us, No foget show us guys pity!

Luke 23:42

An da guy tell Jesus, “Jesus, no foget me wen you come da King!”