Sad Song 4:7 - Hawaii Pidgin Bible

⁷ Da Jerusalem guys dat make da Nazir kine promise Wen look mo bright den da snow An mo pure den da milk. Dea bodies look good an strong, Jalike da red coral An da blue lapis lazuli stone.

Sad Song 4:7 ပူးပေါင်းရင်းမြစ်များ

Job 28:16

You no can weigh enuff gold from Ofir fo buy um, O buy um wit da kine jewel stones dat cost plenny.

Job 28:18

Coral an crystal, no even tink bout dat. Fo know wat fo do erytime, cost you mo den red coral.

Songs 144:12

Wen oua boys grow up, We like fo dem be Jalike plants dat grow good. We like fo oua girls come strong, Jalike da nice looking kine pos Dat da builda guys carve Fo da corna pos Aroun da king palace.

Songs 51:7

Make me come clean inside Fo no do bad tings no moa! Jalike wen da pries guys make one sacrifice An sprinkle da blood Wit one oregano branch, Fo me come clean inside fo pray! Wash me good till I come Mo clean inside, Mo clean den da white snow!

Outa Egypt 24:10

Up dea, dey see da God fo da Israel peopo! Da place he stan, get someting dat look jalike one brick floor undaneat, wit da blue kine jewelry stone dey call lapis lazuli, blue an bright jalike da clear sky.

Love Song 5:10

Da one I love shine bright! He strong looking! He mo betta den ten tousan oddas!

Love Song 5:15

His legs look jalike poses, da kine dey make from marble stone Dat sit on top pure gold bases. Wen you look at him, Make you tink a da awesome cedar trees Lebanon side.

Daniel 1:15

Afta da ten day, da Israel guys look mo betta an mo strong, den da odda young guys dat eat da king kine food.

Luke 1:15

John goin be one importan guy, da way Da One In Charge see um. He not goin drink wine o odda kine booze. Da Good An Spesho Spirit goin take charge a him befo he born.

Local Leadas 13:5

Cuz you goin get hapai an born one boy. Nobody goin shave da boy head, cuz he goin be spesho fo God. From da time he born, he goin follow da Nazir kine rules. An he goin be da one dat start fo get da Israel guys outa da Filisha guys powa.”

Local Leadas 13:7

But he tell me, ‘You know wat? You goin get hapai, an born one boy. So from now, no drink wine o beer, an no eat notting fo make you jam up, so no can go in front God. Cuz da boy goin be spesho fo God, one guy dat stick wit da Nazir kine rules, from da time he born till he mahke.’ ”

Local Leadas 16:17

So he tell her eryting. He tell, “No mo nobody eva cut my hair, cuz I one guy dat stick wit da Nazir kine rules. I stay spesho fo God from da day I wen born. If somebody shave my head, den I no goin be strong no moa, I goin come weak jalike da odda guys.”

1 Samuel 16:12

So Jesse sen somebody fo bring David dea. David stay healthy, get one good tan an nice kine eyes. He real good looking. Den Da One In Charge tell Samuel, “Quick! Pour da oil on top him cuz him he da one!”