Sad Song 4:4 - Hawaii Pidgin Bible

⁴ Cuz da bebes stay thirsty, dea tongue stick to da top a dea mout. Da kids beg fo food, but nobody give dem even litto bit.

Sad Song 4:4 ပူးပေါင်းရင်းမြစ်များ

2 Kings 18:27

But da territorial govna guy tell um, “Wen my boss sen me ova hea fo tell dis stuff, you guys tink az ony fo yoa boss guys, an fo you guys?! You tink no was fo da guys dat stay sit ova dea on top da wall too?! Bumbye, goin come mo bad, dat dey goin eat dea doodoo an drink dea shishi, an you guys goin do da same ting too!”

2 Kings 25:3

Den, July 18 dat year, get hard time, cuz no mo food inside da big town. No mo notting fo da peopo eat.

Songs 137:6

If I no tink plenny bout Jerusalem, O if I no tink dat Jerusalem da place Wea I erytime stay good inside, Mo den all da odda place, Den I like fo God make my tongue Stick to da top a my mout Fo me no talk!

Songs 22:15

Befo time, strong, me. But now I all weak, Jalike wen da mud dry up from da sun. My tongue stay real dry, az why I no can move um. You wen throw me down on top da dirt fo me mahke dea!

Isaiah 5:13

Dass why my peopo goin come prisonas An go anodda land, Cuz dey donno notting. Dea importan peopo goin mahke Cuz dey no mo food fo eat, Da odda peopo goin mahke Cuz dey no mo notting fo drink.

Jeremiah 14:3

Dea alii guys sen dea worka guys fo go carry watta. Dey go da watta storage places, But no mo watta ova dea. Dey come back wit empty watta jars. Dey shame an dey lose face, Az why dey cova dea head.

Sad Song 1:11

All dea peopo moan wen dey stay look fo food. Dey trade dea rich kine stuffs fo food fo dem stay alive. Dey tell, “Look, Da One In Charge! Tink bout wass happening, cuz dey tink I no good!”

Luke 10:11

‘Da dus from yoa town dat stick on oua feet, we shake um off fo show you guys dat God no like, cuz you guys no lissen. But you betta know dis fo shua: God stay da King hea now.’

Rules Secon Time 28:48

So den you guys goin work fo da peopo dat stay agains you guys, not fo Da One In Charge. He goin sen dem agains you guys, an you goin get notting fo eat, an come thirsty, an no goin get clotheses notting. Jalike he goin put one iron yoke on top yoa neck, till he wipe out you guys.

Rules Secon Time 32:24

I goin make dem come skinny Cuz dey no goin get food. Dey goin get one real bad kine sick Dat make dem feel jalike da sick stay eat um up. I goin make um feel real bad Befo I wipe um out! I goin tell da wild animals fo bite dem, An sen da poison kine snake Dat crawl aroun on top da dirt.