Sad Song 4:22 - Hawaii Pidgin Bible

²² You Jerusalem peopo, God goin pau punish you guys. He no goin make you stay far away long time. But you Edom peopo, he goin punish you guys fo da bad tings you do, He goin show erybody da real bad kine stuff you guys do!

Sad Song 4:22 ပူးပေါင်းရင်းမြစ်များ

Songs 137:7

Da One In Charge no foget Wat da Edom peopo wen do Da time da Babylon army guys wen take ova Jerusalem town. Dey wen yell, “Bus up da place! Wipe da place to da groun!”

Isaiah 40:2

You guys, talk to da Jerusalem peopo An tell all dem Fo dem feel good inside. Tell dem dat da hard work dey wen do Cuz dey owe me plenny, all pau awready. Da bad tings dey wen do, Dey awready get punish fo all dat. Me, Da One In Charge, I wen awready pay dem back double Fo all da bad kine stuff dey wen do.”

Isaiah 52:1

Wake up! Wake up, you Jerusalem peopo! Come strong, An put on yoa fancy kine clotheses! Cuz yoa town, da one God make spesho fo him! Da guys dat no mo cut skin mark Fo show dey God peopo, An da ones dat do stuff dat make um So dey no can pray, Dey no goin go inside Jerusalem one mo time.

Isaiah 60:18

No goin get noise inside yoa land no mo From peopo dat stay hurt each odda. Nobody goin wipe out stuff O broke up stuff inside yoa land. But wen you guys build one town wall, You goin give um da name ‘God get us outa trouble.’ An wen you guys put up one town gate, You goin give um da name ‘Da One In Charge stay good.’

Jeremiah 32:40

I goin make one deal wit dem dat goin las foeva: I still yet goin do good kine stuff fo dem, fo dem show respeck fo me, an dey no goin tell “Laytas” to me.

Jeremiah 33:7

I goin bring back da Israel an Judah peopo dat was prisonas ova dea Babylon side. I goin make um strong one mo time, jalike how was befo time.

Jeremiah 33:8

I goin hemo dea shame an wash um clean inside, fo dem no mo blame fo da bad kine stuff dey wen do agains me.

Jeremiah 49:10

But me, I goin take away eryting from da Esau ohana. I goin show erybody da secret places wea dey stay hide, So dey no can hide dea no moa. Dea kids, dea ohana, da peopo dat live nea dem, All dem goin come wipe out. An da Esau peopo no goin stay no moa.

Jeremiah 50:20

Da One In Charge tell: “Dat time, Peopo goin try fo find stuff dat da Israel peopo get da blame fo, An dey no goin find notting. Dey goin look fo bad kine tings da Judah peopo do, An dey no goin find notting. Cuz I goin let go da peopo dat I let stay alive, An hemo dea shame.”

Sad Song 4:21

You Edom peopo tink you can stay good inside, You guys dat live inside da Uz land. But bad tings goin happen to you guys too. Jalike you guys goin get piloot, an take off all yoa clotheses.

Sad Song 4:6

Da One In Charge punish my peopo Mo worse den da Sodom peopo wen get punish Fo da bad tings dey wen do. Sodom town come wipe out real fas, No matta nobody attack um.

Ezekiel 37:28

Den da odda nations goin know dat dass me Da One In Charge da one make da Israel peopo come spesho fo me. Dey goin know dis cuz da place dat stay spesho fo me stay wit dem foeva.”

Ezekiel 6:12

Da guy dat stay far away goin mahke wit da real bad kine sick. Da guys dat stay nea goin mahke cuz a da war. An da guys dat still yet stay alive an no mahke from dat goin mahke cuz no mo food. I goin punish dem till I pau come huhu. Afta dat, I no goin stay huhu wit dem no moa.

Obadiah 1:10

Cuz you guys wen go bus up Da peopo dat come from yoa ancesta braddah Jacob, You goin get plenny shame. You guys goin come wipe out foeva.

Malakai 1:3

Da Esau peopo, I hate dem. I make dea mountains all bus up fo nobody live ova dea. I make dea land come one place ony da wild jackal dogs live.

Malakai 1:4

“Da Esau peopo dat live inside da Edom land tell: Us guys stay all bus up, but we goin come back an build eryting dat wen get smash! “But me, Da One In Charge, Da God Ova All Da Armies, I tell: Wateva dey goin build, I goin bus um up. Wen odda peopos talk bout dem, dey goin call da Esau land ‘da land wea peopo dat do bad kine stuff stay,’ an ‘da peopo dat Da One In Charge put kahuna on top dem foeva’