Sad Song 4:11 - Hawaii Pidgin Bible

¹¹ Da One In Charge come real huhu wit dem. He tell “Laytas” to wat dey do. He make one fire inside Jerusalem town, Dat burn down eryting to da foundations, all ova Zion town.

Sad Song 4:11 ပူးပေါင်းရင်းမြစ်များ

Isaiah 51:20

Yoa boys pass out. Dey lay down dea, da end a ery road. Jalike one deer dey catch inside one net. Yoa God, Da One In Charge, stay real huhu wit dem. An stay poin finga dem.

Jeremiah 13:14

Den I goin smash um agains each odda jalike dey clay wine jars. I goin even smash da faddah-muddah guys agains dea kids too, all togedda. I no goin show pity fo dem, o make easy kine to dem, o give dem chance. I goin wipe um out.’ ” Az da message from Da One In Charge.

Jeremiah 17:27

But if you no lissen wat I tell you fo do, an no make da Res Day spesho fo me, wen you come inside da Jerusalem gates an carry stuff wit you on da Res Day, den I goin burn up da Jerusalem gates wit one fire dat no mo nobody can pio. Da fire goin wipe out da strong wall all aroun Jerusalem.’ ”

Jeremiah 21:14

I goin punish you guys Cuz a da bad kine stuff you guys do. I goin burn up da wood palace inside yoa town, An all da odda stuff inside da town too!’ ” Az wat Da One In Charge tell.

Jeremiah 36:7

Da One In Charge tell awready, he stay real huhu wit dis peopo an tell ‘Laytas’ to wat dey do. But dey get chance. Dey go in front Da One In Charge, an beg him fo make good to dem. An get chance too, dat all dem no goin do bad kine stuff no moa!”

Jeremiah 7:20

“Az why Da One In Charge a me tell: ‘You know wat I goin do to dis place?! I goin come real huhu, an I had it wit wat dis peopo do. Az why da peopo inside dis place hea, an da animals, da trees, an da stuffs dat grow on top da groun—eryting goin burn, an no mo nobody can pio da fire!’ ”

Sad Song 2:1

Da Boss come huhu wit da Jerusalem peopo. He stay cova dem jalike wit one cloud! Da Israel peopo was awesome jalike da sky, But jalike he wen throw um down all da way to da groun. Wen he come huhu wit dem, He no even proteck his Temple.

Sad Song 2:17

Da One In Charge do wat he wen plan fo do. He do wat he promise fo do long time befo time. He win ova you guys, an he no mo pity fo you! He let da peopo dat stay agains you guys laugh cuz you guys suffa, Same time he make dem come strong.

Sad Song 2:3

He chop down da Israel peopo, He make um come weak, cuz he stay real huhu. Wen da peopo dat stay agains dem come nea, He no use his powa fo help dem. He make jalike one fire, burning da Jacob peopo, One fire dat burn up eryting aroun um.

Sad Song 2:4

Jalike God stay agains us guys, he make his bow ready. His right hand stay ready fo shoot da arrow. He kill erybody dat us guys love da mostes. Cuz he real huhu, jalike he dump fire On top da place wea da Jerusalem peopo live!

Sad Song 2:8

Da One In Charge make one plan fo bus up da wall aroun Jerusalem. He stretch out one line fo measure wat part he goin bus up. He no hold back. He wipe um out. Jalike he make da strong wall cry. All wasted, da walls!

Sad Song 4:22

You Jerusalem peopo, God goin pau punish you guys. He no goin make you stay far away long time. But you Edom peopo, he goin punish you guys fo da bad tings you do, He goin show erybody da real bad kine stuff you guys do!

Ezekiel 22:31

Az why I goin show dem dat I stay huhu, an burn dem up cuz I stay mad, jalike da fire burn dem up. I goin wipe um out fo all da bad kine stuff dey wen do. Az wat me Da One In Charge, da Boss, tell.”

Ezekiel 36:18

Az why I wen punish da Israel ohana peopo, jalike I show how mad I stay agains dem. I do dat cuz dey make peopo bleed an mahke on top da land, an make da land come pilau wit dea idol kine gods.

Ezekiel 6:12

Da guy dat stay far away goin mahke wit da real bad kine sick. Da guys dat stay nea goin mahke cuz a da war. An da guys dat still yet stay alive an no mahke from dat goin mahke cuz no mo food. I goin punish dem till I pau come huhu. Afta dat, I no goin stay huhu wit dem no moa.

Daniel 9:12

You make happen da stuff you wen tell you goin do fo punish us an oua govmen guys wen you make happen all dis bad kine stuff to us. All ova da world, no mo nobody eva do notting lidis befo, jalike you wen do to Jerusalem.

Prieses 26:28

den I goin get real mad wit you guys. I goin punish you guys cuz a da bad kine stuff you guys stay do, seven times mo worse.

Zefaniah 2:2

Go come togedda befo da time start Dat Da One In Charge come huhu! Dat time goin come fas, Jalike wen da wind blow da junks outa da wheat! Go come togedda befo Da One In Charge catch up you guys, Cuz he real huhu wit you! Do um befo he punish you guys, Cuz he real mad!

Zekariah 1:6

“But long ago, get plenny stuff I wen tell da guys dat wen talk fo me. Get plenny rules dat I wen give dose guys dat work fo me an talk fo me. I tell um all dat, fo dem pass um on to yoa ancesta guys fo dem know wat dey gotta do. An da tings I tell um, dey not jus fo yoa ancestas! My rules wen stay fo dem, an dey still stay true!” Den da peopo wen come sorry. Dey change how dey tink. Dey tell, “Da One In Charge, Da God Ova All Da Armies, he punish us guys fo tings we wen do, an befo time he wen make up his mind he goin do dat.”

Luke 21:22

Cuz da time stay dat dey gotta suffa plenny, jalike da Bible tell.