Sad Song 3:34 - Hawaii Pidgin Bible

³⁴ If peopo smash all da prisonas inside da land unda dea feet, You tink da Boss no see dat?!

Sad Song 3:34 ပူးပေါင်းရင်းမြစ်များ

Songs 102:20

Fo lissen how da prisona guys stay moan, An fo let go da guys Da govmen goin kill fo punish dem.

Songs 69:33

Cuz Da One In Charge, Him da kine God stay lissen To da peopo dat no mo notting. Even wen his peopo stay prisonas, He no make to dem jalike dey junk.

Songs 79:11

Wen you hear oua peopo Dat stay prisonas, moaning, Lissen to dem! You get choke plenny powa, So wen da judge guys From da odda peopos tell Dat oua peopo gotta mahke, Make shua dey no mahke!

Isaiah 14:17

He make da earth come all empty An bus up all da towns. He no even open da door Fo let da prisona guys go home!”

Isaiah 49:9

An I goin tell da prisona guys, ‘Go come! Go outside!’ An I goin tell da peopo Dat stay inside one dark place, ‘Go! You guys not prisonas no moa!’ “Jalike da sheeps an da goats, Dey goin find dea food by da side a da road, An on top da hills wea no mo tree.

Jeremiah 50:17

“Da Israel peopo, dey stay run all ova da place Jalike sheeps an goats wen da lions chase um. Da firs lion fo eat um was da Assyria king. Da nex lion was Nebukadnezzar da Babylon king. He grind da meat off dea bones.”

Sad Song 3:33

Cuz he no like make peopo suffa, O make dem stay sad inside.

Sad Song 3:35

If peopo get da right fo do stuff In front da God Dass Mo Importan Den All Da Odda Gods, But odda peopo take away dea rights, You tink da Boss no see dat?!