Sad Song 3:32 - Hawaii Pidgin Bible

³² No matta he make us suffa, He goin show aloha an pity too, Cuz he stay real tight wit his peopo!

Sad Song 3:32 ပူးပေါင်းရင်းမြစ်များ

2 Kings 13:23

But Da One In Charge get one good heart fo da Israel peopo, an pity dem, an give dem chance, cuz a da deal he wen make wit Abraham, Isaac, an Jacob. Even till now Da One In Charge no like wipe um out o chase um away from wea he stay.

Songs 103:11

You know how far da earth to da sky? Dass how plenny love an aloha God get fo us guys, Fo stay tight wit da peopo Dat get choke respeck fo him!

Songs 30:5

Ony fo short time, he come huhu But all yoa life, he do good stuff fo you All nite, you feel jalike you goin cry, But den morning time come, An you like yell Cuz you stay feel real good inside.

Songs 78:38

But God, he get pity fo dem, Az why he wen let da peopo go Fo da wrong tings dey wen do, An why he neva wipe dem out. Ova an ova, God wen hold back Da way he feel bout dose peopo, An he neva bus um up, No matta he stay huhu wit dem.

Outa Egypt 2:23

Afta long time, da king guy fo Egypt mahke. But da Israel peopo, dey stay moan still yet cuz dey slaves. Dey yell to God, “Help!” An God, he hear wat dey tell.

Outa Egypt 3:7

Da One In Charge tell Moses dis too: “I see eryting, all da hard time dat da Egypt peopo give my peopo! I hea how dey stay yell fo me fo help um from da luna guys. Yeah, I know how plenny dey suffa.

Isaiah 27:8

God, presha da Israel peopo, But ony litto bit, wen you make dem go way from dea land. You make da Israel peopo go away Jalike wit one strong wind from da east side.

Isaiah 54:7

Da One In Charge tell: “Eh my peopo, Ony short time I wen leave you guys. But I get plenny love an pity fo you guys, An I goin bring you guys back togedda wit me.

Jeremiah 31:20

But Da One In Charge tell: “Da Efraim peopo, dey my kids dat I love! Dey my kids, an dey make me feel good inside. I grumble bout dem plenny times, Still yet, I no foget dem even litto bit! Az why I stay sad inside Cuz I miss dem plenny. I get plenny love an pity fo dem.” Az wat Da One In Charge tell.

Sad Song 3:22

Da One In Charge, he stay tight wit us guys foeva! Da tings he do fo show pity fo us guys, goin be lidat foeva!

Hosea 11:8

“You Efraim peopo, no way I goin tell you guys ‘Laytas!’ No way I goin give you Israel peopo to anodda god! No way I goin wipe out you guys jalike I wen wipe out Admah town! O Zeboim town! Now I wen change my mind, Az why now I feel all kine love an pity fo you guys!

Nahum 1:12

Dis wat Da One In Charge tell: “No matta da Assyria guys plenny peopo An get plenny frenz, I goin cut um down. No matta I wen punish you Judah peopo, I no goin do dat one mo time.

Luke 15:20

Den he hele from dat place an go back by his faddah. “He still far from da house wen his faddah spock him. His faddah heart stay fill wit pity an he run to his boy. He hug his boy an kiss him.

Local Leadas 10:16

Den dey throw out da gods fo da odda peopos dat dey get, an dey work fo Da One In Charge. So he come sore inside cuz dey gotta suffa plenny.