Sad Song 3:26 - Hawaii Pidgin Bible

²⁶ Az good fo wait an stay quiet, Till Da One In Charge get us outa trouble.

Sad Song 3:26 ပူးပေါင်းရင်းမြစ်များ

Start 49:18

Den Jacob pray lidis: “Eh! You Da One In Charge! I stay wait fo you, God, Cuz I know you goin come help me!”

2 Records 20:17

But az not yoa kuleana, fight dis war! Line up, stan strong, an watch how Da One In Charge goin get you guys outa trouble. You Judah an Jerusalem guys, no sked, an no lose fight! Go out fo face dem tomorra, cuz Da One In Charge goin stay wit you guys.’ ”

Songs 119:166

Eh! You Da One In Charge! I stay wait fo you get me outa trouble. Da tings you tell me fo do, I do um.

Songs 119:174

Eh! You Da One In Charge! Fo long time, I wait an wait Fo you get me outa trouble! An you know wat make me Stay good inside? Da Rules dat you teach!

Songs 130:5

I stay wait, cuz I know Da One In Charge goin do someting. I know wat he tell, an dass why I stay wait fo him help me. An dass why I can hang in dea An trus him.

Songs 37:34

Wen you stay wait Fo Da One In Charge do stuff fo you, Make shua you do eryting How he like. He goin make you come importan Fo you take ova da land. An wen he cut off da peopo Dat do bad tings, You goin see um happen.

Songs 37:7

No tell notting, jus wait In front Da One In Charge. Hang in dea, an wait Fo Da One In Charge take kea you. No come huhu if some odda guy Stay make plenny money An no let um bodda you Wen da peopo make One no good kine plan an do um.

Songs 52:9

I goin tell erybody I yoa guy, all da time, You da one wen do all dat. In front da peopo dat stay tight wit you, I goin tell wat kine god you, Cuz you real good!

Songs 54:6

I goin make one sacrifice fo you, Jus cuz I like do um. I goin sing bout wat kine god you, Cuz you good, Da One In Charge.

Songs 62:2

He da ony one dat stay Jalike one big rock wea I can hide, An he get me outa trouble. He jalike one strong wall fo me. Nobody goin make me Fall down real hard.

Songs 73:28

Fo me, da bestes ting is dis: Fo me come mo tight wit you, God. Eh! Da One In Charge, my Boss, I go by you fo you proteck me! I goin tell erybody Bout all da awesome tings You stay do!

Songs 92:1

Good, fo tell erybody Dat you da greates, Da One In Charge! Good, fo make music Fo erybody know who you, Da God Dass Mo Importan Den All Da Odda Gods!

Outa Egypt 14:13

Moses tell da peopo, “No sked! Stan right dea an watch. You guys goin see Da One In Charge get you guys outa trouble, an he goin do dat today. You see dose Egypt guys ova dea? From today, you no goin see dem no moa, eva!

Outa Egypt 14:14

Da One In Charge, he da One goin fight fo help you guys. You guys, jus shut up an watch!”

Isaiah 30:15

But dis message come from Da One In Charge a me, Da One dat stay good an spesho fo da Israel peopo: “Fo you guys get outa trouble, You gotta come back my side, Fo come so notting bodda you. Fo you guys come strong inside, You gotta stay quiet an trus me.” But you guys still no like lissen!

Isaiah 30:7

Da Egypt peopo, even if dey try fo kokua da Judah peopo No goin help da Judah peopo notting. Az why I call da Egypt peopo, ‘Da proud fake crocodile Dat ony make plenny noise!’ ”

Isaiah 7:4

Tell Ahaz, ‘Watch out, but stay cool. No sked. Inside yoa heart, no lose fight! Fo shua, dose two kings, Rezin fo da Aram peopo, an Remaliah boy, dey stay all hot an huhu. But dey jalike two small stick inside da fire dat litto mo all burn out, but still yet dey get plenny smoke.

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Sad Song 3:27

Az good fo peopo dat still young Learn how fo work hard.

Habakkuk 2:3

Wat I goin show you, Gotta wait fo da right time. Az da trut bout da end. No matta how slow, wait fo um. Goin happen fo shua, but not late. Goin come wen come.

Galatia 4:18

Fo shua, az good if dey go all out erytime fo do good kine stuff, no matta I stay wit you guys o I no stay wit you guys.

Hebrews 10:35

Kay den. You guys wen go thru all dat, an neva come sked. Go stay make lidat, an no give up cuz God goin give you guys plenny good kine stuff fo you no give up!

Hebrews 3:14

You know, God make all us guys stay tight wit Christ. But we gotta hang in dea an go all out fo trus God, jalike wen we wen trus him da firs time.

1 Peter 1:13

So den, make ready fo tink good bout all dis stuff. Try tink clear fo know wat fo do erytime. Stay ready fo go all out fo trus Jesus Christ till God bring him back. Cuz dass wen God goin give you guys all da good kine stuff.