Sad Song 3:23 - Hawaii Pidgin Bible

²³ Ery morning yoa love an pity come new. Us guys can trus you big time!

Sad Song 3:23 ပူးပေါင်းရင်းမြစ်များ

Songs 146:6

God, he da One wen make da sky An da earth, Da ocean too, an eryting inside um. Fo shua can trus Da One In Charge foeva, Fo do wat he tell he goin do.

Songs 30:5

Ony fo short time, he come huhu But all yoa life, he do good stuff fo you All nite, you feel jalike you goin cry, But den morning time come, An you like yell Cuz you stay feel real good inside.

Songs 36:5

Eh! You Da One In Charge! You get one good heart Fo help yoa peopo, You get one big heart, Big jalike da sky! You da kine God us guys can trus plenny, Jalike get plenny clouds inside da sky!

Songs 36:6

How you do da right ting erytime— Dass awesome, Jalike da mos big mountains! Da way you tell Wass right an wass wrong Cuz you da judge, Dass deep, Jalike da mos deep ocean! Eh! You Da One In Charge! You stay get peopo an animals Outa trouble.

Songs 89:33

But still yet, I goin stay tight Wit David all da time. I no goin bulai him fo make um So he no can trus me.

Outa Egypt 34:6

Den Da One In Charge pass by in front Moses. He talk strong an tell: “Da One In Charge! Dass me! I one God dat get pity fo peopo, An I like do good tings fo peopo! I slow fo get mad. I stay tight wit my peopo plenny, An I do wat I tell I goin do erytime.

Isaiah 33:2

Eh! You Da One In Charge! We like you do good tings fo us guys. We stay wait fo you help us. Ery morning, you da One make us strong, Da One get us outa trouble, Erytime we get hard time.

Zefaniah 3:5

But Da One In Charge, he stay dea inside da town, An he do da right kine tings. He no do wass wrong! Ery morning he judge da peopo da right way. Ery new day he no let nobody down. Still yet, dose peopo dat no do wass right, Dey no mo shame!

Titus 1:2

Us guys can trus God. An we can know da trut. Az cuz we know fo shua dat bumbye God goin give us da real kine life dat goin stay to da max foeva! Az why us can wait lidat. God, from da time he wen make da world, he wen promise dat kine life. An he no bulai, you know.

Hebrews 10:23

We stay shua dat God goin do good kine stuff fo us bumbye. So us guys goin go all out an no make jalike we not shua bout wat we tell goin happen. Cuz God da One dat wen make one promise dat he goin do good kine stuff fo us, an he erytime do wat he tell he goin do.

Hebrews 6:18

Wen God do dat, he do two tings dat no goin change eva. Numba One, he make one strong promise dat fo shua he goin do good tings fo us guys. Numba Two, he get da blame if he no do good tings fo us guys. An God no bulai nobody. He make dat promise cuz he like give us guys plenny good kine words. Dass fo us guys dat stay run to God fo get outa da bad kine stuff, fo us get da good kine stuff God wen promise he goin give us bumbye. We know he goin do dat, an we goin stay wait fo um.