Sad Song 3:22 - Hawaii Pidgin Bible

²² Da One In Charge, he stay tight wit us guys foeva! Da tings he do fo show pity fo us guys, goin be lidat foeva!

Sad Song 3:22 ပူးပေါင်းရင်းမြစ်များ

2 Samuel 24:14

David tell Gad, “Bummahs! Dis hard fo me an I real sad inside! Mo betta Da One In Charge punish me how he like! Cuz he stay show us guys plenny pity awready! Mo betta da peopo not da ones fo punish me!”

Nehemiah 9:31

But cuz you get plenny pity fo yoa peopo, You neva wipe um out, An you neva leave dem an go way from dem. Cuz you da God dat like do good tings fo yoa peopo, An give peopo one mo chance.

Songs 103:10

God get da right fo punish us guys Cuz we do bad kine stuff— But he no make lidat. He get da right fo pay us guys back, Cuz we wen go agains him— But he no go afta us.

Songs 106:45

Fo dem, God neva foget Da deal he wen make, An cuz he like stay real tight wit dem, He wen change his mind.

Songs 69:17

No look da odda way An hide so I no can talk to you, Eh! Dis me, yoa worka guy! I stay stressing out, So do someting fas!

Songs 77:8

Maybe God no like Stay tight wit his peopo no moa! Maybe da ting he wen promise fo do, He no goin do um now, o layta!

Songs 78:38

But God, he get pity fo dem, Az why he wen let da peopo go Fo da wrong tings dey wen do, An why he neva wipe dem out. Ova an ova, God wen hold back Da way he feel bout dose peopo, An he neva bus um up, No matta he stay huhu wit dem.

Songs 86:15

But you my Boss. An you da kine God dat pity erybody An you erytime like give dem chance. You no come huhu real fas, You erytime stay tight wit yoa peopo, An dey know dey can trus you.

Jeremiah 3:12

Go, tell dis fo da Israel peopo hear um: “Da One In Charge tell, ‘Go come back by me, you Israel peopo Dat wen tell “Laytas” to me. I no goin give you guys stink eye no moa. Cuz I like give you guys chance, I no goin stay huhu all da time.

Jeremiah 30:11

I stay wit you guys An get you outa trouble. No matta I wipe out all da odda peopos Inside all da place you guys stay cuz I wen scatta you, Fo shua, I no goin wipe out you guys. I goin punish you guys fo teach you one lesson, But ony wen you no go da right way. Still yet, I goin punish you guys litto bit.” Az wat Da One In Charge tell.

Jeremiah 31:20

But Da One In Charge tell: “Da Efraim peopo, dey my kids dat I love! Dey my kids, an dey make me feel good inside. I grumble bout dem plenny times, Still yet, I no foget dem even litto bit! Az why I stay sad inside Cuz I miss dem plenny. I get plenny love an pity fo dem.” Az wat Da One In Charge tell.

Daniel 9:9

God, you da Boss. You da One show pity an let us go, no matta us wen go agains you.

Malakai 3:6

Da One In Charge, he tell dis too: “Me, Da One In Charge, An I no change how I ack. I still da same. Az why you guys from da Jacob ohana no stay wipe out!

Luke 1:50

He give da peopo chance Dat show respeck fo him, From da granfaddas to da grankids.