Sad Song 3:17 - Hawaii Pidgin Bible

¹⁷ Get plenny stuff dat bodda me. I foget how was, wen eryting stay good.

Sad Song 3:17 ပူးပေါင်းရင်းမြစ်များ

Start 41:30

But afta dat, goin get seven year wen all dat time erybody goin come hungry. All ova da Egypt land, peopo goin foget bout da time wen had plenny fo eat. Wen no mo food, den eryting goin come poho all ova Egypt land.

Job 7:7

God, no foget dat my life stay jalike one wind dat blow ony short time! No way I goin stay good inside even one mo time.

Songs 119:155

No way you goin get da peopo Dat do wass wrong outa trouble, Cuz dey no like fo know Wat you tell dey gotta do.

Isaiah 38:17

Fo shua, if I neva suffa plenny, Notting come good fo me afta. You get plenny love an aloha fo me. Az why you neva let me go Inside da Deep Dark Hole, an mahke. You wen take all da bad kine stuff I wen do, An put um behind yoa back.

Isaiah 54:10

No matta no mo da mountain An da hills shake, Da way I stay tight wit you guys, Dat no goin change, An da deal I wen make wit you guys Fo make shua eryting stay good fo you, Dat goin still stay solid.” Dass wat Da One In Charge tell. He get love an pity fo you guys.

Isaiah 59:11

All us guys make sad kine noise jalike da bear. We soun sad jalike da dove. We stay wait fo God da Judge tell Dat us guys do da right kine ting, But he no tell notting. We stay wait fo somebody get us outa trouble, But dey too far away from wea us guys stay.

Jeremiah 12:12

On top all da hill tops inside da boonies wea no mo notting can grow Goin get plenny guys dat like come rip off stuff. Cuz goin get war! Jalike Da One In Charge use his sword fo kill da peopo From one side a da land to da odda side! No goin get nobody stay safe ova dea.

Jeremiah 14:19

You Da One In Charge fo real kine! So how come you make deaf ear to da Judah peopo?! You hate da Jerusalem peopo, o wat?! How come you wack us guys Fo us no come good, aah?! We wait fo eryting come okay an no mo war, But notting good stay happen. We wait fo tings come good, But we ony stay real sked.

Jeremiah 16:5

Dis anodda message from Da One In Charge: “Jeremiah, no go inside one house wea da peopo stay eat food fo one funeral. No cry fo show dat you stay sad inside, an no show pity fo dem. Cuz I pau awready fo make eryting come good fo dem. I no goin stay tight wit dis peopo no moa, an I no goin show love an pity fo dem. Az wat Da One In Charge tell.

Jeremiah 8:15

Us guys like eryting stay okay, But no mo notting good happen. Us guys like fo notting bad happen to us, But us guys ony stay real sked.

Sad Song 1:16

“Dass why I stay cry plenny. No mo nobody stay nea fo make me feel mo betta. No mo nobody stay hea fo make me come strong inside. My kids, no mo notting. Cuz da peopo dat stay agains us guys win awready!”

Zekariah 8:10

Befo da time you guys wen start fo build da Temple one mo time, no mo nobody get pay fo dea work, not even fo use da animals. Nobody dat time can do his work an no worry, cuz get peopo dat like fight um. Cuz I make erybody stay agains all da guys dat live nea dem.