Sad Song 2:9 - Hawaii Pidgin Bible

⁹ Da town gates fall down inside da dirt. Da One In Charge smash da bars fo da gates an wipe um out. Da king an da princes come prisonas an go to odda nations, No mo nobody teach Da Rules From God. Da guys dat talk fo Da One In Charge No see notting jalike dreams from him no moa.

Sad Song 2:9 ပူးပေါင်းရင်းမြစ်များ

2 Kings 25:7

Da firs ting dey do, dey make Zedekiah watch wen dey kill his boys. Den one a dem poke out Zedekiah eyes. Dey tie him wit two bronze leg chain, an take him Babylon side.

2 Records 15:3

From long time, da Israel peopo no mo da God dass fo real, an no mo pries fo teach dem, an no mo da Rules From God.

Nehemiah 1:3

Dey tell me, “Da Babylon king wen take away oua peopo from dea land an bring um ova hea Babylon side. Laytas, plenny peopo wen go back Jerusalem side fo live inside Judah. But tings no stay good ova dea you know. Cuz stay real hard fo dem, an da odda peopos ova dea stay make dem plenny shame. Da Babylon army guys wen broke down da strong wall aroun Jerusalem town, an burn down da gates.

Songs 74:9

Us guys, no mo spesho mark Fo show who us. No mo nobody talk fo God no moa. No mo nobody wit us know Wen all dis trouble no goin be no moa.

Isaiah 24:12

Inside da big town, eryting stay bus up An ony get rubbish dea. Even da town gate stay all smash.

Jeremiah 14:14

Den Da One In Charge tell, “Dose guys dat tell dey talk fo me, dey use my name fo bulai you guys! No matta dey tell dey talk fo me, I neva sen dem. I neva tell dem fo talk lidat. I neva even talk to dem! Dey tell dey see dreams dat come from me, but dey bulai! Dey aks da gods fo da odda peopos fo tell um wat goin happen, but all dat, ony wase time! Dey make jalike all da stuff dey tell you guys stay fo real, but dey ony bulai you guys! Dem guys, dey tell all dat stuff to you guys jalike dey stay talking fo me! But dey not.

Jeremiah 23:16

Dis wat Da One In Charge, da God Ova All Da Armies, tell: “No lissen wat da guys dat suppose to talk fo me tell you guys! Dey like you tink you goin get all kine stuff Dat ony wase time. Dey talk bout dreams dat dey make up. Dey no tell wat Me, Da One In Charge tell.

Jeremiah 39:2

Laytas, da year numba eleven, da month numba four, da day numba nine, wen Zedekiah stay king, da Babylon army guys broke down da wall fo Jerusalem town.

Jeremiah 39:8

Jerusalem side, da Babylon guys burn down da king palace, an da peopo houses, an broke down da town wall.

Jeremiah 51:30

Da Babylon army guys, Dey no fight no moa. Dey stay inside dea strong wall. Dea powa all dry up. Dey come jalike wahines. Dea houses all burn down an dea town gates all broke.

Jeremiah 52:14

Nebuzaradan tell all da Babylon army guys fo go broke down all da walls aroun Jerusalem.

Sad Song 1:3

Da Judah peopo come prisonas an go far away, Afta dey get hard time an gotta work real hard. Dey live wit diffren kine peopos. Dey no mo place fo res. All da peopo dat chase dem Catch dem up wen dey get hard time.

Sad Song 4:15

Da peopo yell at dem, “Go way! You pilau! Go way! No touch us!” Wen dey run away an go stagga all ova da odda lands, Da peopo ova dea tell, “Dey no can stay hea no moa!”

Sad Song 4:20

Da leada guy dat Da One In Charge wen pick, dat make us guys stay alive, Dey wen catch him inside dea traps. Us wen tink us goin be one nation Wit him fo da main guy.

Ezekiel 12:13

But jalike I goin put out my net fo catch um, an my trap goin get um. I goin take him Babylon side, da land wea da Babylon peopo stay. But he no goin see dat land. An he goin mahke ova dea.

Ezekiel 17:20

Jalike I goin set one trap fo him an catch um. I goin take him Babylon side. I goin judge him an punish him ova dea cuz a da way he ack. I no can trus um.

Ezekiel 7:26

Real bad kine stuff goin happen, one right afta da odda. Dey goin hear any kine stuff bout wat goin happen. Da guys dat tell dey talk fo God, peopo goin aks dem fo tell wat God wen show dem. Da pries guys no goin teach da rules no moa. Da older leada guys no goin tell da peopo no mo wass good fo dem.

Hosea 11:6

Cuz a dat, da peopo dat stay agains dem goin use swords Fo attack da Israel towns Dey goin bus up da bars on top da Israel town gates. Da Israel peopo goin make plans, But dey no can do notting!

Hosea 3:4

Dass jalike one picha: Da Israel peopo goin stay long time. An all dat time, dey no goin get one king o prince, an dey no goin make sacrifice fo da odda gods. No goin get poses fo da odda gods dat stay kapu fo dem, o one spesho ves fo da Main Pries Guy, o small kine statues fo find out wat da odda gods tell.

Amos 1:5

I goin broke down da gate fo Damascus town An wipe out da main guy fo Aven Valley, Da guy dat stay in charge Bet-Eden side. Da Aram peopo, I goin catch dem An take all dem Kir side.” Dass wat Da One In Charge tell!

Rules Secon Time 28:36

“Da One In Charge goin make you an da king you wen put ova you go by anodda nation dat you guys an yoa ancestas neva know befo time. Ova dea, you guys goin go down in front odda gods dat peopo make from wood an stone.

Rules Secon Time 28:63

Jalike Da One In Charge stay good inside befo time, wen he wen make eryting come good fo you guys, an make you guys come plenny peopo. But bumbye he goin come good inside wen he wipe you guys out. He goin take you guys outa da land dat you goin go inside now fo take um ova.

1 Samuel 28:6

He aks Da One In Charge fo tell wat goin happen, but Da One In Charge no tell him notting—not inside his dreams, o wit da Urim da Main Pries Guy use, o from da guys dat talk fo Da One In Charge. Notting!